Ioane 8:48 - Iaai Bible 1901 (New Caledonia)

⁴⁸ Haba at Juda adre me thu kâu, ka habe, Hawa, ohmun e ca ha hnatho, ka habe, U at Samaria, ke e gam demoni?

Ioane 8:48 ပူးပေါင်းရင်းမြစ်များ

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 53:3

E hûkötiânen tavat, kʼ adre me hna degecâ e; e at ae vec, ke at ae khana hlöuhlöu: ke adre me hûkotiâ e helâ me at ame he tavat ka ikhâlâ je hnyimakodra gan, kʼ ate me ca oûnyihnathoâ e.

Mataio 10:25

E so ka at adre nâ ame ne tha ûcû me at ame nâ e, ke e ka tha ûcû hlu me tuhan. Adre ne hia but hawâ at ae tren hnyaba, ka habe, Belezebuba, hawa, adre me ca he minya ka hawâ ien aten hnyaban!

Mataio 10:5

Wale hnyat a twelv a kunʼ ödrin Iesu me hûna ködrin, ka habe, Ca he öbun hnyi gethen deny Aten ta je hnyei, ke ca dit bi ka hnyi ke taun anyin at Samaria:

Mataio 11:18

Anyin a o but Ioane me ame ca han me ic, ke haingödra, ka habe, E hu demoni gan.

Mataio 12:24

Haba at Faresaio adre me long me adre me ha, ka habe, At ang ame ca obâ ta je demoni ke so bi ûnyi ga Belezebuba a tuhan ta je demoni.

Mataio 12:31

Anyin a wale, inya oge me ha köbun, ka habe, Adre me he ka thang degecâ ta je monu hia, ke ta je bi gan anyin at; ke haba at ame he ka bi gan ka Hanu, me adre me ca he ka thang degecâ.

Mataio 15:7

Hnyat thoi hnyok lö, e so hna perofeta gabun hnö Isaia, ka habe,

Ioane 1:19

Ke walang hna ohnathoâ hnö Ioane hnyi ûen adre me kunâ tavat bihut me at Levi hnen at Juda ûhedra Jerusalema he ka hnö e, ka habe, U ia?

Ioane 10:20

Ke se hia gadra adre me ha, ka habe, E but unyin at ang demoni, kʼ ame monu but; ieû gabun öbun e long kâu?

Ioane 13:13

Öbun e hawo nya, ka habe, At ûne me Than: ke so hnobun hna ha, anyin a eke.

Ioane 4:9

Ke haingen momo Samaria kâu, ka habe, Ieû gam, a u at Juda, kʼ u me sumatö köiö gak, kʼ iny momo Samaria bi nya? (Anyin ae ca iate at Juda me at Samaria.)

Ioane 7:20

Haba tavat ae se hia adre me thu me ha, ka habe, E but gam demoni: ia ame elâm he ka hlingö u?

Ioane 8:22

Me ame ha at Juda, ka habe, Hawa, ame ka he ka hamen hlingâ e bi anyin a haingen, ka habe, Haba dok oge me he ka hnyin me ca khanʼ öbun he lea he ka hnyin.

Ioane 8:52

Me ame ha kâu at Juda, ka habe, E khanʼ ohmun dut walang ang, a e unyâm demoni. A mokcu Aberahama, me ta je perofeta, ke u me ha, ka habe, A ne hu at ame he ka vheno hok hofuc, me e ame ca he ka wâ mok nyiele balua.

Roma 15:3

Anyin a haba Keriso ame ca ka osenyinâ e; ke helâ me hna sihnalimen, ka habe, Haba hna û hnen tavat adre me û u, me ame ta but huk.

Heberu 13:13

Anyin a wale e so ate me didro kâu ka hnyi hoton hnyaba, me hokhnyok hnyi hna haikongoâ e.

Iakobo 2:19

U me kap, ka habe, Khaca thibi Khong; e so e: je demoni minya adre me kap me öbubuny.