Ioane 8:43 - Iaai Bible 1901 (New Caledonia)

⁴³ Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Ioane 8:43 ပူးပေါင်းရင်းမြစ်များ

Ta je Vejec 28:5

Haba tavat ae kong, me adre me ca wâ hmakhmeto bi hna owisa: Ke haba tavat adre me elom Iehova me adre me wâ ûnykûme hia.

Isaia 44:18

E ca khanʼ ödra, ke adre me ca wâ ûnykûme: anyin a e ame omûko je emaködra, mʼ adre me ca bwela bi; me je hnyekudra mʼ adre me ca wâhmakhmeto.

Isaia 6:9

Me e ame ha, ka habe, He thö, me ha ka tavat ang, ka habe, Öbun e labö long, ke ca wâhmakhmeto bi; ke öbun e labö wâ, ke ca wâ ûnykûme bi.

Jeremia 6:10

Oge me he ka fuc me koû köia, me me löng? wâ bi, adre ca peritomonâ je hnyikönyödra, me me ca khanʼ ödra he ka tevehlöng: wâ bi, adre me wia hofuc ho Iehova me me hnân bi ûhiö; adre me ca senyinâ e.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Mika 4:12

Ke ca khanʼ ödra je ûnykûmenö Iehova, kʼ adre me ca wâ ûnykûme anyin musi: anyin a e ame ûkhacaköu ödra helâ me je thi hwit ka hnyi hna huje hwit.

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:43

Oge o but hnyi ien Kamök, ke öbun e ca köp nya: ame ne he ka o but ke at hnyi ka ien bi, öbun e he ka kap e.

Ioane 6:60

A long ut hnen ke je laten ae se hia, me adre me ha ka habe, E hmak hofuc e; ke ia ae khana he ka long?

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ioane 8:27

Ke adre me ca wâhmakhmeto a e ame ha ködra ge Kamen.

Ioane 8:33

Me adre me thu kâu, ka habe, Ohmun je mâtrâni Aberahama, ke tiga ca hom hwenbʼ ohmun hnen ke at: a hawa, u me ha, ka kabe, Adre me he ka hnʼ öbun dut?

Ioane 8:39

Ödra adre me thu, ka habe, Aberahama kamöhmun. Iesu ame ba kodra, ka habe, A ne je laku Aberahama öbun, mʼ öbun e he ka mâdrâ je huliwa anyi Aberahama.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Roma 3:11

E ba at ame wâ ûnykûme, E ba at ame elâm Khong;