Ioane 8:42 - Iaai Bible 1901 (New Caledonia)

⁴² Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

Ioane 8:42 ပူးပေါင်းရင်းမြစ်များ

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 12:49

Anyin a inya oge me ca fuc a ka ûnyi gak; ke haba Kamen, wale at a kunö nya, me e ame hna könya hnanyibu a hanymök he ka ha, me ûnyi minya oge me he ka ûnö.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 14:10

Hawa, u me ca ûnykûme bi a inya eû hnyi hnyin Kamen, ke Kamen eû hnyi hnyik? haba ta je hofuc wale oge me ha köbun, me o ge me ca ha thiju a ka ûnyi gak: ke haba Kamen at ame laba eû hnyik e ame ânyâ anyin ta je huliwa.

Ioane 16:30

E khanʼ ohmun dut walang ang a u me wâ ta je ûnyi hia, ke ca ûnyi hnathu e ka he ke at ka hnei u: anyin a wale ohmun e ûnykûme a u me o unyi ge Khong.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 3:17

Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Ioane 5:23

me me he tavat hia thithö ka ogânâ Nokon helâ me hnödra hna ogânâ Kamen. Haba at ame ca ogânâ Nokon, me ame ca ogânâ Kamen at a kunâ e.

Ioane 5:43

Oge o but hnyi ien Kamök, ke öbun e ca köp nya: ame ne he ka o but ke at hnyi ka ien bi, öbun e he ka kap e.

Ioane 8:14

Iesu ame thu me ha ködra, ka habe, A ne inya oge me ohnathu nya bi, e hnathu hnok hna ohnatho; anyin ae khanö nya dok oge mwi hnyin, me dok oge me he ka hnyin.

I. Korinito 16:22

A ne ca hnyok bi ke at ka Than Iesu Keriso, e so he ka anathema e. Maranatha.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 22:1

KE e ame omanenâ könya wagewiny köiö möt ae alai helâ me uselat, ame di hnyi theron anyin Khong me Arenio,