Ioane 8:40 - Iaai Bible 1901 (New Caledonia)

⁴⁰ Ke walang ang, öbun e elâm he ka hlingö nya, wale at ame ha köbun hnathu, waleji oge me long ûnyi ge Khong: ke ca ânyâ helâe Aberahama.

Ioane 8:40 ပူးပေါင်းရင်းမြစ်များ

Salamo 37:12

Haba at ae kong ame sihnân at ae wisa, Me hoc nyu kâu.

Salamo 37:32

Haba at ae kong ame ecmâkâ at ae wisa Me elâm he ka hlingâ e.

Ioane 7:1

HWABAN e Iesu ame vheno Galilaia: anyin ae ca weny bi he ka vheno Juda, anyin a at Juda adre me heleû deny he ka hlingâ e.

Ioane 8:26

E ha gak ta je ûnyi ae se he ka ha köbun me he ka owisa: ke so bi e hnathu e at a kunö nya; ke haba je hofuc a hwan oge me long me inya oge me ha e ka hmeledrany.

Ioane 8:56

Ame senyin Aberahama a kamöbun he ka wâ bonguk je bong; ke e ame wâ ju me e ame senyin.

Roma 4:12

ke e kamen peritom minya ka tavat adre peritomoni ödra, ke hnyat minya adre me he hnyi hwadeny hnyeûcan labageju anyi Aberahama a kamöta, kʼ ödra tiga ca peritomonâ bi.

Galatia 4:16

Hawa, iny iwahnaihmiony mʼ öbun, anyin oge me ha hnathu köbun?

Galatia 4:29

Ke haba ehac me ame okongoâ at adre me hnokoâ ûnyi hnyi Hanu hnen at adre me hnokoâ ûnyi hnyi unyin, ke helâe minya walang ang.

Hna Omanenâ 12:17

Kʼ ame hmonyin drakona ka momo, me he but he ka vat me je kolon a je mâtrâniny momo, tavat adre me löng hoton hnanyibu anyin Khong, kʼ adre kât hmâ hna ohnathu Iesu:

Hna Omanenâ 12:4

Ke e ame lelo tilâ hnen hmokunen ke keihen a kuniny ta je okhûiny drany, me ame khûâ ka hnyi hmeledrany: ke haba drakona ame tot hnyi hnyimakan momo, waleji ame he but ka hnokoâ, me me he ka an nokon e ka o.