Ioane 8:38 - Iaai Bible 1901 (New Caledonia)

³⁸ Inya oge me ha ta je ûnyi oge me hia but wâ unyin Kamök: ke öbun e mâdrâ minya öbun hnobun hna wâ unyin kamöbun.

Ioane 8:38 ပူးပေါင်းရင်းမြစ်များ

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Ioane 14:10

Hawa, u me ca ûnykûme bi a inya eû hnyi hnyin Kamen, ke Kamen eû hnyi hnyik? haba ta je hofuc wale oge me ha köbun, me o ge me ca ha thiju a ka ûnyi gak: ke haba Kamen at ame laba eû hnyik e ame ânyâ anyin ta je huliwa.

Ioane 14:24

Haba at ame ca hnyok könya, me e ame ca vheno bi hok hofuc: ke haba hofuc öbun e long, me ca ûnyi bi gak, ke ûnyi bi ge Kamen at a kunö nya.

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 3:32

Ke e ame ohnathoâ ûnyi e ame wâ me long; ke ba at ame kap hnen hna ohnathoâ.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

Ioane 8:26

E ha gak ta je ûnyi ae se he ka ha köbun me he ka owisa: ke so bi e hnathu e at a kunö nya; ke haba je hofuc a hwan oge me long me inya oge me ha e ka hmeledrany.

Ioane 8:41

Öbun e ânyâ ta je huliwa anyin kamöbun. Haingödra kâu, ka habe, Ohmun ca je lakon gethen; khaca thibi Kamöhmun, a wale Khong.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.