Ioane 8:37 - Iaai Bible 1901 (New Caledonia)

³⁷ E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Ioane 8:37 ပူးပေါင်းရင်းမြစ်များ

Mataio 13:15

Anyin ame khot ut hnyekon, tavat ang, Ke hmak je hnyikönyödra he ka long, Kʼ adre mook ge je emaködra; Wâ adre nye wâ ge je emaködra Me long ge je hnyikönyödra, Me wâ ûnykûme ge hnyekudra, Me hmetuhmetu but, Mʼ oge me he ka omeli ödra.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Ioane 10:31

Haba at Juda adre me hok veto hmetu he ka lûâ e.

Ioane 11:53

Ke hwân hnyi bong eling adre me si hnân he ka hlingâ e.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 7:1

HWABAN e Iesu ame vheno Galilaia: anyin ae ca weny bi he ka vheno Juda, anyin a at Juda adre me heleû deny he ka hlingâ e.

Ioane 7:19

Hawa, a ca ham köbun Mose hnanyibu, ke ba ke at gabun ame vheno hnanyibu? Ieû gabun öbun e elâm he ka hlingö nya?

Ioane 7:25

Me haba keihen ûhedra Jerusalema adre me ha, ka habe, Hawa, ca walang at adre me elâm he ka hlingâ?

Ioane 8:33

Me adre me thu kâu, ka habe, Ohmun je mâtrâni Aberahama, ke tiga ca hom hwenbʼ ohmun hnen ke at: a hawa, u me ha, ka kabe, Adre me he ka hnʼ öbun dut?

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Ioane 8:56

Ame senyin Aberahama a kamöbun he ka wâ bonguk je bong; ke e ame wâ ju me e ame senyin.

Ioane 8:59

Me adre me hom je veto he ka lûâ e: ke haba Iesu ame ka oiyongâ e bi, me didrut ûheny hnyi uma kap.

Ioane 8:6

Adre me ha e he ka cubec e, me me hu ûnyi hnân bi fuco e. Ke Iesu ame nom but me set kânâ ge banyen.

Ta je huliwa 13:26

Hnyat me lakeiny lö, je lakon je mâtrâni Aberahama, me tavat adre me outen Khong unyibun, adre kunâ köta hofucin ûhomeli ang.

Roma 9:7

ke ca je lakon hia anyin a je mâtrâni Aberahama ödra: ke so bi, Adre me he kaba je mâtrânâm ûnyi ga Isaaka.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

I. Ioane 2:14

Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.