Ioane 8:33 - Iaai Bible 1901 (New Caledonia)

³³ Me adre me thu kâu, ka habe, Ohmun je mâtrâni Aberahama, ke tiga ca hom hwenbʼ ohmun hnen ke at: a hawa, u me ha, ka kabe, Adre me he ka hnʼ öbun dut?

Ioane 8:33 ပူးပေါင်းရင်းမြစ်များ

Genese 15:13

Ke e ame ha kö Aberama, ka habe, Wâhmakhmeto ju u, haba je mâtrânâm adre me he ka laba kanyua hnyi hnyei a ca idra, ke adre me he ka bi athnyaba ködra; ke adre me he ka oveci ödra vak ta haded ta je huna;

Ezera 9:9

Anyin a ohmun hoûbâ; ke so bi Khonguhmun ame ca hnying ohmun hoûbâ, ke e ame okûâ ibetengiö hnyi hnyimakan than Peresi he ka ham kohmun ûhomeli, mʼ adre me otilâ uma umen Khonguhmun, me ânyâwia dok adre me thö, me he ka hna kohmun ke hak hnyi Jerusalema me Juda.

Levitiko 25:42

Anyin a lathnyabaik odrin, waleji oge hum odrin ûnyi hnyi hnyei Aigupito: adre me ca he ka ûcû odrin helâ me hna ûco athnyaba.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Luka 3:8

Anyin a wale wa but öbun wan ae ûcû me ietra, ke ca hwân öbun he ka ha eû hnyi je hnyekubun, ka habe, Aberahama kamöta: anyin a inya oge me ha köbun, ka habe, e khana Khong he ka bi mâtrâni Aberahama, ûnyi hnyi ta je veto ang.

Ioane 19:25

Ke ame tot hakekenyâ satauro hinyö Iesu, me liamekeiny me hinyen, jia Maria öiö Kaleopa, me Maria Magadalena.

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Ioane 8:39

Ödra adre me thu, ka habe, Aberahama kamöhmun. Iesu ame ba kodra, ka habe, A ne je laku Aberahama öbun, mʼ öbun e he ka mâdrâ je huliwa anyi Aberahama.

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Roma 9:7

ke ca je lakon hia anyin a je mâtrâni Aberahama ödra: ke so bi, Adre me he kaba je mâtrânâm ûnyi ga Isaaka.

Owisa 2:18

Ke Iehova ame ham ködrin tavat owisa, me Iehova ame tha e me at owisa, me omeli ödrin ûnyi hnyi hnyamen je iwahnaihmiony mödrin hnyi ta je bong hia bongon at owisa: anyin a Iehova ame ietra can anyidrin mokhon ge tavat adre me sed ödrin me oveci odrin,

Owisa 3:8

Anyin a wale ame ubâhlâ hmonyin anyi Iehova ka at Isaraela, me e ame ûcû ödrin ko Kusani-risathaima than Mesopotamia: me lakon Isaraela adre me bi athnyabai Kusani-risathaima eit ta huna.

Owisa 4:3

Haba lakon Isaraela ödrin e tenge kö Iehova: anyin ae hu gan nain haded je kariota fao; ke twente je huna e ame hom ûhnyûkongo hwegiâ lakon Isaraela.