Ioane 8:32 - Iaai Bible 1901 (New Caledonia)

³² ke ame he ka khanʼ öbun hnathu, ke adre me he ka hnʼ öbun ge hnathu.

Ioane 8:32 ပူးပေါင်းရင်းမြစ်များ

Salamo 119:45

Ke oge me he ka vheno dok ae gan; Anyin a oge hia but elâm ânyâm ta je hnanyibu.

Salamo 25:5

Su nya thö hnyi hnathu gam, ke nö nya thö; Anyin a u thibi Khong at ame omeli nya; Inya oge me halubahing u hnyi je bong hia.

Ta je Vejec 1:23

Hwio thʼ öbun ge hnok hna ûne: Wâ bi, oge me he ka hingâlâ köbun hanuk, Oge me he ka omanenâ köbun hok ta je hofuc.

Ta je Vejec 1:29

Anyin adre me hûkötö he ka wâhmakhmeto, Kʼ adre me ca ûca he ka outö Iehova:

Ta je Vejec 4:18

Ke haba gethen deny tavat ae wisa me helâ me melam ae hadröngöc, Ame melam tot ke ne o but jebigö.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 30:21

ke ame be li hnyikönyâm ka long hofuc hnyi hotom, ka habe, Walang gethen, vheno ju öbun hnyin e; öbun ka saû ka hnyi ke keihen metâ, ke öbun ka saû ka hnyi keihen me.

Isaia 35:8

Ke ame he ka hu hna cit gethen eling, me ke gethen, kʼ adre me he bi ka hwenyi ien e, me, gethen ae kap; ame ca he ka vheno e ge tavat ae kong; ke ame he ka hobi kodra: ke haba tavat vheno gethen, kʼ ame ne tavat ae monu, me adre me ca he ka he monu hnyin.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Jeremia 6:16

Walang hna ha hnö Iehova, ka habe, Todrʼ öbun hnyi je gethen, me wâ, me hnö je gethen kâû adrem, ewa gethen ae so, me vheno e, me öbun e he bi ka wâ hna menâ hobi kâu je hanubun: ke haingodra, ka habe, Ohmun e ca he ka vheno e.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Levitiko 25:41

me e ame he ka hmetu but ûheny unyâm, e me lakon, me me hmetu ka anyin lap, me hmetu ka hnyi hnyaban lakamen.

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 11:29

Kap ju anyik ûnyi hnân ûhûkâlâköaâ hubun, me nâ thö ûnyi gak; anyin a iny menyik ke hnyikânâ hnyok, me öbun e he ka wâ hna menâ hobi kâu ta je hanubun.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 16:13

Ke so bi e ka o but e, wale Hanon hnathu, me e ame he ka su öbun ka hnyi ta je hnathu hia: anyin a e ame ca he ka ha ûnyi gan bi; ke e ame he ka ha ta je ûnyi e ame long: ke e ame he ka omanenâ köbun ta je ûnyi ame he ka o.

Ioane 17:17

Okabi ödrin ju ge hnathu gam: he haba hnathu, me hwâm hofuc.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ioane 8:36

Anyin a wale a ne he Nokon ka hnʼ öbun adre me he ka ti hnʼ öbun dut.

Roma 6:22

Ke walang ang adre me hna baûʼ öbun ûnyi hnyi hulö, kʼ öbun e bi athnyabainy Khong, me hu but gabun wan ka hnyi hwakecin ae kap, ke haba obiny me möt ame ca ba balua.

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Roma 8:2

Anyin a haba hnanyibuiny Hanu me möt unyin Keriso Iesu, me ame hnö nya ûnyi hnyi hnanyibuiny hulo me mok.

I. Korinito 7:22

Anyin a haba at adre me hawa hnyi Than, ke tiga athnyaba, me adre me wia e me at he baû anyin Than: helâe minya haba at adre hawâ, ke at he baû, me adre me wia e me athnyabainy Keriso.

Galatia 5:1

AME hia but hnʼ öta Keriso ka hnyi hna hna bâûâ: anyin a wale, tethmâ ju, ke ca ovheli öbun hmetu bi ge wen hwenbâ.

Galatia 5:13

Hnyat me lakeiny lö, adre hia but hawʼ öbun ka hnyi hna hna bâûâ; ke so bi ca he öbun ka wia hna hna bâûʼ öbun, me hnân hobi kâu unyin, ke ibiathnyabaköu ju hnyi ibetengiö.

II. Timoteo 3:7

adre me labö ûne, ke ca khanʼ ödra bala bi wâ ûnykûme hnathu.

Iakobo 1:25

Ke haba at ame selâdrâ hnyi hnanyibu ae wisa waleji ame hnʼ öta, me tet hmâ hnyin, ca at ame löng me hnying bi, ke at bi ame ânyâ me huliwa, ame he ka hnahic at ang hnyi anyin huliwa.

Iakobo 2:12

E so öbun e ha hofuc, ke so öbun e huliwa, helâ me hnyat adre me he ka owisʼ ödra bi ge hnanyibu ame hna bâûâ.

I. Peteru 2:16

helâ me tavat, adre hna bâûâ but, ke ca wia hnobun hna he baû me hnân tube ûokonguny, ke so bi he ka bi athnyabainy Khong.

II. Ioane 1:1

INYA hingat oge me sihnalimen ka ishola adre ûca me lakon, hnyat oge me hnyok kodra hnyi hnathu; ke ca hake inya bi, ke ödra hia minya ae hnyi khanʼ ödra hnathu;