Ioane 8:28 - Iaai Bible 1901 (New Caledonia)

²⁸ Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:28 ပူးပေါင်းရင်းမြစ်များ

Esodo 3:14

Haba Khong ame ha kö Mose, ka habe, inya ang a e, ke ka inya ang: ke e ame ka, ka habe, U ma ha helâng ka lakon Isaraela, ka habe, inya ang at a hia but kunö nya köbun.

Mataio 24:5

Anyin ödra se hia adre me he ka o hnyi iök me ha, ka habe, Inya ang Keriso; me omonoâ tavat ae se hia.

Mareko 13:6

Anyin a at se hia adre me he ka o hnyi iök, me ha, ka habe, Inya ang; ke adre me he ka omonoâ tavat ae se hia.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 13:19

Oge me ha ang köbun ke tiga ca hwâdâ bi, hobi kâu e ka hwâdâ thö, mʼ öbun e he ka labageju a inya e.

Ioane 16:10

ge hwakecin ae wisa anyin a inya oge me he but ka Kamen, ke öbun e ca he hmetu ka ō nya;

Ioane 18:32

me me hwâdâ hofuc ho Iesu a ha, ame omanenâ bongon imekiny bi.

Ioane 19:18

me adre me osautauroâ e eling tha e me li at a lo hnyi li ke keihen, ke Iesu eû hnyi wanben.

Ioane 3:11

E hnathu, e hnathu, ohmun e ha hnö-hmun hna wâhmakhmeto, me ha hnathoâ hnöhmun hna wâ; ke öbun e ca kap hnöhmun hna ohnathoâ.

Ioane 3:14

Haba Mose ame ogöranyâ on hnyi hnyebuba, ke helâe adre me he ka ogöranyâ Nokon at:

Ioane 4:26

Iesu ame ha kâu, ka habe, Inya ang at ame ûhnenamö möu.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:30

E ca khanö nya he ka hake mâdrâ thiju ke ûnyi: oge me hnö hoton hnök hna long: ke inya oge me hnö wisa; anyin oge me ca elâm wek, ke so bi weny at a kunö nya.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 8:27

Ke adre me ca wâhmakhmeto a e ame ha ködra ge Kamen.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Ta je huliwa 2:41

Ke adre me bapataisoâ tavat adre me kap hwan: me adre me bihanen kodra hnyi bong eling helâ me theri thauzan tavat

Ta je huliwa 4:4

Ke ame labageju but tavat ae se hia adre me long hofuc; ke haba ûseiny obaga, me helâ me faiv thauzan.

Roma 1:4

ke adre me haimemenâ e thibi Nokon Khong tha e me man ûnyi ge hanon hwakecin ae kap, hnen nnöt hmetu ûnyi hnyi hna mok; wale Iesu Keriso a Tuhöta,

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.