Ioane 8:24 - Iaai Bible 1901 (New Caledonia)

²⁴ Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 8:24 ပူးပေါင်းရင်းမြစ်များ

Esodo 3:14

Haba Khong ame ha kö Mose, ka habe, inya ang a e, ke ka inya ang: ke e ame ka, ka habe, U ma ha helâng ka lakon Isaraela, ka habe, inya ang at a hia but kunö nya köbun.

Ta je Vejec 8:36

Ke haba at ame haû bi gak, me e ame okongoâ hanon bi: Ke haba tavat adre me hûkötiö nya, me adre me hnyok mok.

Mataio 24:5

Anyin ödra se hia adre me he ka o hnyi iök me ha, ka habe, Inya ang Keriso; me omonoâ tavat ae se hia.

Mareko 13:6

Anyin a at se hia adre me he ka o hnyi iök, me ha, ka habe, Inya ang; ke adre me he ka omonoâ tavat ae se hia.

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Luka 21:8

Haingen, ame ha, ka habe, Wâ eâu, adre nye omonu öbun dut: anyin a at se hia adre me he ka o hnyi iök, me ve ha, ka habe, Inya ang; ke, e hakekeny jut ûen: ca he öbun ka hnu hotudrin.

Ioane 13:19

Oge me ha ang köbun ke tiga ca hwâdâ bi, hobi kâu e ka hwâdâ thö, mʼ öbun e he ka labageju a inya e.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 4:26

Iesu ame ha kâu, ka habe, Inya ang at ame ûhnenamö möu.

Ioane 8:21

Iesu ame ha hmetu ködra, ka habe, Oge me he but ka he, ke öbun e he bi ja ka elöm nya, ke öbun e he ka mekiny anyibun ta je hulö: haba dok oge me he ka hnyin, me ca khanʼ öbun he ka he ka hnyin.

Ioane 8:25

Ke haingödra kâu, ka habe, U ia? Haba Iesu ame ha ködra, ka habe, Wale ûnyi oge hia but ha köbun hwân hnyi can.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;