Ioane 8:15 - Iaai Bible 1901 (New Caledonia)

¹⁵ Öbun e ha ûnykûme hoton unyin, ke oge me ca ha ûnykûme bi nya ke at.

Ioane 8:15 ပူးပေါင်းရင်းမြစ်များ

Amosa 5:7

öbun tavat öbun e wia hna owisa me me helâ me khöhlöng, me khûâ hnyikânâi hwakecin ae wisa;

Amosa 6:12

Hawa, ame he ta je hors ka wadring hon kic? kʼ ame he at ka wia kânâ eling hnen ta je bolok? anyin a öbun e hia but wia hna owisa ka hnyi waada, ke wan hwakecin ae wisa ka hnyi khöhlöng:

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Luka 12:14

Me e ame ha kâu, ka habe, Ketha lö, ia otilö nya hnân he ka owisa me khenâ köbun?

Ioane 12:47

Ke a ne long hok hofuc hnen ke at, kʼ ame ca vheno bi, oge me ca he bi nya ka owisa e, anyin oge me ca o he ka owisa hmeledrany, ke so bi he ka omelö hmeledrany.

Ioane 18:36

Iesu ame thu, ka habe, Ca ûnyi eang hmeledrany dökhuk dokhu: a ne ûnyi eang hmeledrany dökhuk dokhu, ame ne he lathnyabaik ka vat, mʼ adre me ca he ka hnö nya ka at Juda: ke walang ang ca ûnyi ang dökhuk dokhu.

Ioane 3:17

Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Ioane 7:24

Ca ha ûnykûme bi hoton hna wâ hnen ecmak, ke so bi ha ûnykûme ju hoton wisa.

Ioane 8:11

Haba momo ame ha, ka habe, Than lö, e ba. Haba Iesu ame ha, ka habe, Oge me ca he minya inya ka ha hnaûhangöi u: he thö; ca mâdrâ hmetu monu hwân ûen eang.

Roma 2:1

ANYIN a wale, at ame ûnykûm lö, e ba hnân thu gam: anyin a haba hnâm hna ûnykûme ke at, me u me ka hamâm bi ohnaûhangöi u; anyin a u me ka ânyâ ta je ûnyi e.

I. Korinito 2:15

Ke haba aten hanu ame wâ ûnykûme ta je ûnyi hia, ke ame ca wâ ûnykûme e hnen ke at.

II. Korinito 5:16

Wale me öhmun e hwân walang ang a öhmun e ca he ka wâhmakhmeto ke at hoton unyin: eja ke ne öhmun e hia but wâhmakhmeto Keriso hoton unyin, ke so bi walang ang öhmun e ca he ka wâhmakhmeto hmetu bi e helâe.

Iakobo 2:4

hawa, öbun e ca oûnyihnatho ke at hon ke at, mʼ öbun hnyat owisa ae kong je ûnykûmenödra?

I. Samuela 16:7

Ke Iehova ame ba kö Samuela, ka habe, Ca wâ hnyimakan bi, me ibeûen; anyin ae ca wek bi at e: anyin ame ca wâ ga ʼ Iehova helâ me at; anyin a haba at ame wâ ûnyi ae manen, ke Iehova ame wâ hnyok.