Ioane 7:42 - Iaai Bible 1901 (New Caledonia)

⁴² Hawa, adre me ca ha bi hnyi hna sihnalimen, ka habe, Ame he ka o Keriso ûnyi ge mâtrâni Davita, ke haba taun anyi Davita, me Betheleema.

Ioane 7:42 ပူးပေါင်းရင်းမြစ်များ

I. Man Ûlabainy Je Than. 2:51

me Solema kamö Bethe-leema, me Haref kamö Bethe-gader.

Salamo 132:11

Ahia but Iehova khemanyin kö Davita hnyi hnathu; E ame ca he ka hwio gan, ka habe, Ûnyi hnyi mâtrân unyâm oge me he ka otilâ hon ânyâm theron.

Salamo 89:4

Oge me he ka otethmâ je mâtrânâm nyiele balua, Me otilâ ânyâm theron ke ne o but hnyi ta je dö hia. [Sela.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mataio 1:1

TUSI hnân aû je dö anyi Iesu Keriso, mâtrâni Davita, mâtrâni Aberahama.

Mataio 2:5

Haingödra kâu, ka habe, Betheleema hnyi hnyei Juda: anyin a walang hna sihnalimen hnen perofeta, ka habe,

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Luka 2:11

anyin adre hnokoâ hobi köbun hnyi bong ang hnyi taun anyi Davita, At ûhomeli, wale Keriso a Than.

Luka 2:4

Me ame he minya but Josefa ûheny hnyi taun Nazareta hnyi Galilaia, ame he Juda ai, ka hnyi taun anyi Davita, Betheleema ien, anyin a e hanen lap me mâtrâni Davita;

Ioane 7:27

Ke haba at ang, me khanʼ ota dok a mwi hnyin: ke e ka o but Keriso, e ba at ame he ka wâhmakhmetoâ dok a mwi hnyin.

I. Samuela 16:1

HABA Iehova ame ha kö Samuela, ka habe, U me he ka tengiö Saulo ke ne o but kehö anyin oge me degecâ me me ca muso at Isaraela? Öunöngötâ thö ânyâm faoiny meno ge wakaco, ke he thö, me oge me he ka kunö u kö Jese at Bethe-leema: anyin a oge hia but penapena ke than hobi könya unyin lakon.

I. Samuela 16:18

Me ame thu ke hidröu me ha, ka habe, Wâ bi, oge hia but wâ ke at nöku Jese, at Bethe-leema, ae khana ânyâ ûnyi khumöng, ke e at ae hwege hmonyin, me at vat, me metâ hnyi hwan je hofuc, ke e at ae hmanenang, ke e unyin Iehova.

I. Samuela 16:4

Me Samuela ame ânyâ ûnyi ame ha Iehova, me o hnyi Bethe-leema. Ke haba wahingatiny taun ödrin e ûkhanö me, me öbubuny, me ha, ka habe, U me o hnyi ûsoköu?

I. Samuela 17:58

Ke haingö Saulo kâu, ka habe, Hidröu lö, u nöku ia? Me Davita ame thu, ka habe, Inya nöku Jese a athnyabaem at Betheleema.