Ioane 7:35 - Iaai Bible 1901 (New Caledonia)

³⁵ Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Ioane 7:35 ပူးပေါင်းရင်းမြစ်များ

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 11:12

Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Zefania 3:10

Ame he tavat adre me khöû könya, a hlu tavat adre oveseâ, ka hom ta je bwihlany könya, ûnyi hnyi hoton je wageweiny Aithiop.

Mataio 12:21

Ke ame he Aten ta je Hnyei ka ge ju ka hnyi ien.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 12:20

Wale keihen ta je Heleni unyin tavat adre me he he ka hnyi hmi minya hnyi bijeû:

Ioane 7:1

HWABAN e Iesu ame vheno Galilaia: anyin ae ca weny bi he ka vheno Juda, anyin a at Juda adre me heleû deny he ka hlingâ e.

Ioane 8:22

Me ame ha at Juda, ka habe, Hawa, ame ka he ka hamen hlingâ e bi anyin a haingen, ka habe, Haba dok oge me he ka hnyin me ca khanʼ öbun he lea he ka hnyin.

Ta je huliwa 11:18

Ke adre bia but long hofuc e, me adre me laba hnyibû me ogânâ Khong me ha, ka kabe, E hnathu Khong ame ham ietra ka Aten ta je hnyei minya, mʼ adre me möt.

Ta je huliwa 11:20

Ke haba keihen gadra a je at Kupero me Kurene, adre me o but hnyi Anetioka, me ha hofuc minya ka at Heleni, me khetâ ûthumetu ae so anyin Than Iseu.

Ta je huliwa 14:1

KE ödru e Ikonio, me ödru me tha didro ka hnyi sunago anyin at Juda, me ha hofuc, me se hia at Juda me Heleni adre me labageju.

Ta je huliwa 17:4

Haba keihen gadra, adre me kap, me tha laba me Paulo me Sila; helâe minya, se hia at Heleni, tavat adre me outen Khong, me ke je momo minya hnyat ae ûnyi hnathu.

Ta je huliwa 18:4

Ke e ame ûne hnyi sunago hnyi ta je sabath, kʼ ame ohmehmela at Juda, me at Heleni.

Ta je huliwa 21:21

ke adre me long gam a u je nâ at Juda hia, a ödra unyin Aten ta je hnyei, he ka hna degeci Mose, ke u je ha kodra, ka habe, ca he bi ka peritomonâ je lakubun, ke ca he minya ka vheno ta je bongon.

Ta je huliwa 22:21

Ke haingen ame ha könya, ka habe, He thö, anyin oge me he ka kunö u sâkâû ai ka aten ta je hnyei.

Roma 1:16

Anyin a inya oge me ca hmehma ge ûthumetu ae so: anyin a wale man maniny Khong hnân omelö tavat hia thithö adre me labageju; ka at Juda a bân, me ka at Heleni minya ju.

Efeso 3:8

Ke haba ibetengiö baû eang adre ham könya, wale at ae ûhnyûkong hmonyin hmelen tavat ae ûhnyûkong hnyi wakap hia, me inye he ka khetâ ka Aten ta je hnyei tang omjehen Keriso, ae ca hnân ha bi ûganiny;

Kolose 1:27

ke e weny Khong he ka omanenâ kodra ûganiny hmanenanginy ûnyi eling ae iyong unyin Aten ke je hnyei, wale Keriso eû hnyi je hnyekubun, a gejuiny hnahic:

I. Timoteo 2:7

kʼ adre me ûco nya he ka khetâ e, ke hnân aposetolo (inya oge me ha hnathu oge me ca thoi), ke inya at ûne ka Aten ta je hnyei ka hnyi labageju me hnathu.

II. Timoteo 1:11

ke adre me ûco nya hnân at khetâ e, me hnân aposetolo me at ûne.

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

I. Peteru 1:1

INYA Peteru aposetolo anyi Iesu Keriso, oge me sihnalimen ka ta je atkanyua adre me ve se ka hnyi Poneto, me Galatia, me Kapadokia, me Asia, me Bithunia,