Ioane 7:31 - Iaai Bible 1901 (New Caledonia)

³¹ Ke ödra se hia adre me labageju kâu; me ödrin e ha, ka habe, E ka o but Keriso, hawa, e ame he ka ânyâ ta je ûöman hon hna ânyâ hnen at ang.

Ioane 7:31 ပူးပေါင်းရင်းမြစ်များ

Mataio 12:23

Haba tavat hia ae se adre me lâiâ gan hmâ me ha, ka habe, Hawa, nöku Davita at ang?

Luka 8:13

Haba keihen hon dok ae hudei, me wale tavat adre me long me kap hofuc me senyin; ke ba wân gadra, ke ca beû bi anyidra labageju ke adre me ta ju hnyi ûen ûcûbic.

Ioane 11:45

Me ame labageju kâu at Juda ae se, a hnyat adre me o kö Maria, kʼ adre me wâ ta je ûnyi e ame mâdrâ.

Ioane 12:11

anyin ae se hia at Juda adre me he me labageju kö Iesu ûnyi gan.

Ioane 12:42

Ke so bi e se hia ta je taben adre me labageju kâu; kʼ adre me ca ha manenâ bi, can ta je Faresaio, wâ adre nye obʼ ödra but ûnyi hnyi sunago:

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 4:29

Ai öbun he ka hnyi wâ at ame hia but ha könya ta je ûnyi hia oge hia but ânyâ: hawa, ame ne e la Keriso?

Ioane 4:39

Ke ame labageju kâu tavat Samaria ae se hia hnyi taun eling, can hofuc hwan momo, ka habe, E ame hia but ha könya ta je ûnyi hia thithö oge hia but ânyâ.

Ioane 6:2

Haba tavat ae se hia adre me he hoton, anyin adre me wâ ta je ûöman e ame ânyâ ka tavat a ödra mok.

Ioane 7:26

Ke wâ bi, e ame fuc manen, ke ba hodrin kâu. Hawa, e khana je taben me ka e Keriso?

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

Ta je huliwa 8:13

Ke haba Simona ame hnyi kap, kʼ adre hia but bapataisoâ, kʼ ame tha e bala me Filipo; ke e ame wâ je haten me je ûöman ae gan hmâ adre me ânyâ, me e ame lâiâ.

Iakobo 2:26

Anyin a helâke mok ut unyin, e ka ba hanu, me helâe minya labageju, a mok ut e ka ba huliwa.