Ioane 7:23 - Iaai Bible 1901 (New Caledonia)

²³ Adre ne peritomonâ ke at hnyi sabath, kʼ adre me ca he ka hanyâûâ hnanyibu anyi Mose; hawa öbun e hmönyibun könya, anyin a oge me ti osoâ at hnyi sabath?

Ioane 7:23 ပူးပေါင်းရင်းမြစ်များ

Esodo 31:14

Anyin a wale öbun e he ka tuö sabath, anyin ae kap e unyibun: ke haba at ame he ka okongo e, adre me he ka hlingâ: anyin a haba at ame he ka huliwa hnyin, me, adre me he ka ohia at eling ûnyi hnyi iny hnyei.

Mataio 12:10

ke wâ bi, eling ke at ae meleca hnyamen. Me ödrin e hnö e me ha, ka habe, Hawa, e kap he ka ûhomeli hnyi sabath? mʼ Ödrin e he ka bifuco e.

Mataio 12:2

Haba ta je Faresio adre me wâ, me adre me ha, ka habe, Wâ bi haba lâtâm ödrin e ânyâ ûnyi ae ca ûcû he ka ânyâ hnyi sabath.

Mataio 12:5

Ke öbun e ca munyi aû minya hnyi hnanyibu, ge hnen tavat bihut hna ca okabâ sabath hnyi hnyin uma kap, ke ödrin e ca kong bi?

Ioane 5:10

Me ame ha at Juda ka at adre omelö, ka habe, Sabath ang, e ca ûcû köu he ka vadren hna mokut.

Ioane 7:21

Iesu ame thu me ha kodra, ka habe, Oge hia but ânyâ ke huliwa, ke öbun e lâiâ hia.

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.