Ioane 7:14 - Iaai Bible 1901 (New Caledonia)

¹⁴ Ke haba hnyi wanben bijeû, me ame he Iesu ka hnyi uma kap, kʼ ame ûne.

Ioane 7:14 ပူးပေါင်းရင်းမြစ်များ

Malaki 3:1

WÂ bi, oge me kunâ anyik ûthumetu ke e ame he ka ânyâwia gethen hnyi hnyimakök: ke ame he ka ie o ka hnyi uma umen Than wale öbun e elâm; me ûthumetuiny ûhihinyköu at öbun e senyinâ, wâ bi, e ame o, haingö Iehova tuhan sabaoth.

Numera 29:17

Ke haba hnyi bong a loiny, me öbun e he ka hudo twelv je nak bolok, ke lo li mamoe baga, ke fortin lakon mamoe baga ae ba hnyikongon a khaca hunainy:

Numera 29:20

Ke haba hnyi bong a kuniny, me eleven ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy;

Mataio 21:12

Ke haba Iesu ame didro hnyin uma kap umen Khong, me obâ hia tavat adre me ûcû hnyin uma kap, me hagutâ hnyikânâi ta je laulau anyin tavat wia mone, me je utap taben tavat adre me ûcû biny;

Mataio 26:55

Hnyi awa eling Iesu ame ha ka tavat ae se hia, ka habe, Hawa, öbun e o but me je hele vat me je utöhmu helâke me ka at venöu he ka hum nya? Oge me laba hnyin uma kap hnyi ta ogo bong he ka ûne, ke öbun e ca kot nya.

Luka 19:47

E ame ûne hnyi je bong hnyi uma kap. Me adre me elâm he ka hlingâ e hnen je taben tavat bihut, me tavat sihnalimen, me je athnathuiny hnyei:

Ioane 18:20

Haba Iesu ame thu kâu, ka habe, Oge hia but ha manenâ ka hmeledrany; oge me labö ûne hnyin je sunago, me hnyin uma kap, wale ame labö ûkhacaköu hnyin at Juda; ke ba hofuc oge me ha duöngâ.

Ioane 5:14

Ke hwaban e Iesu ame wâ e hnyi uma kap, me haingen kâu, ka habe, Wâ bi, adre hia but omeli u, ca mâdrâ hmeto hulö, wâ e nye o but monu ae gan hmâ köu.

Ioane 7:2

E hakekeny jut bijeû anyin at Juda, wale bijeûiny uma menâ

Ioane 7:28

Me haba Iesu ame fuc hwege hnyi hnyin uma kap me nö ʼdra me ha, ka habe, E khanʼ öbun dut inya, ke khanʼ öbun minya but dok oge mwi hnyin; oge ca o ka ûnyi gak, ke e hnathu e at a kunö nya, wale at ae ca khanʼ öbun.

Ioane 7:37

Hnyi bong a biliny bonginy bijeû, wale bong ae gan, Iesu ame todrö me ha hwegiâ, ka habe, A ne ke at ae beic, he but jem ka ic unyik.

Ioane 8:2

Ke hnyi hnyomakatu kong e ame o hmetu ka hnyi uma kap, me ame he but kâu tavat hia; ke e ame laba ju me nʼ ödra.

Ioane 8:20

E ame ha ta je hofuc e hnyi dok adre hip mone, e ame tiga ûne hnyi uma kap: ke ba at ame kât e; anyin ae tiga ca o bi ûen.