Ioane 6:70 - Iaai Bible 1901 (New Caledonia)

⁷⁰ Iesu ame thu ködrin, ka habe, Hawa, oge me ca ûcʼ öbun a twelv, ke diabolo ke at gabun?

Ioane 6:70 ပူးပေါင်းရင်းမြစ်များ

Ioane 13:18

Oge me ca hai öbun hia: e khanö nya hnok je hna ûca: ke so bi me me hwâdâ hna sihnalimen, ka habe, Haba at ame an ök jeû me ame hûki nya ge ohmâiny can.

Ioane 13:2

Haba hnyi ûen han sahac, ke a hia but diabolo ip hnyi hnyeku Juda Isakariota nöku Simona he ka alecuâ e,

Ioane 13:21

Ke a hia but Iesu ha e, e ame hmak hnyekon, me thumetu me ha, ka habe, E hnathu, hnathu, oge me ha köbun ame he ke at gabun ka alecuo nya.

Ioane 13:27

Ke hwaban dö ujeû, ame didrö Satana eû hnyi hnyekon. Haba Iesu ame ha kâu, ka habe, Haba ûnyi u me he ka ânyâ, me ânyâ mweimweiâ thö.

Ioane 15:16

Öbun e ca ûco nya, ke oge me ûcʼ öbun, me otilʼ öbun, mʼ öbun e he ka he me wa, me tet hmâ ju wan gabun: me me he Kamen ka ham köbun ta je ûnyi hia öbun e he ka sumâtâ huyi iök.

Ioane 15:19

Öbun e ne je lahanen hmeledrany, ame he hmeledrany ka betenge ka lahanen: ke anyin a öbun ca lahanen hmeledrany, ke oge me ûcʼ öbun ûnyi eang hmeledrany, waleling me me hûkötiʼ öbun hmeledrany.

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ioane 2:2

ke adre me hao Iesu me laten ka hnyi faipoipo.

Ioane 20:24

Ke haba Toma ke at hnyi twelv, Didumo ke ien, ame ca tha e mödrin hnyi ûen a o hnyin Iesu.

Ioane 6:64

Ke ame ca labageju keihen gabun. Anyin ae khanö Iesu tavat adre me ca labageju, me at minya bi ame he ka alecuâ e.

Ioane 6:67

Haba Iesu ame ha ka hnyat a twelv, ka habe, E webun minya he ka hmetuhmetu?

Ioane 6:71

E ame haiö Juda nöku Simona Isakariota, anyin a e at ame he ka alecuâ e, ke hanen hnyat a twelv.

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

Ta je huliwa 1:17

Anyin adre tha aû e möhmun, ke adre khene hanymen hnyi huliwa eang.

Ta je huliwa 13:10

me ha, ka habe, At ae unöngötö ge je thoi hia, me monu, u nokon diabolo, ke iwahnaihmiony me hwakecin hia ae wisa, hawa, u me ca menâ he ka ohwalö je hwakecin hia ae wisa anyin Than?

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

I. Ioane 3:8

ûnyi ge diabolo at ame ânyâ hulo; anyin ame ânyâ hulo diabolo ûnyi hnyi can. Kʼ a manen dut Nokon Khong, me me he ka ohia ta je huliwa anyin diabolo.