Ioane 6:45 - Iaai Bible 1901 (New Caledonia)

⁴⁵ Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ioane 6:45 ပူးပေါင်းရင်းမြစ်များ

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 54:13

Ke ame he Iehova ka nâ lakom hia; ke ame he ka gan hnahic anyin lakom.

Mika 4:2

Ke ame he ka o ta je hnyei ae se hia me ha, ka habe, Ai öbun mʼ ate me he ka ölö ka hnyi bucen anyi Iehova, me uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, ke hofuc ho Iehova ûheny Jerusalema.

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mareko 1:2

Helâ me hna sihnalimen ga Isaia perofeta, ka habe, Wâ bi, inya oge me kunâ anyik ûthumetu hnyi hnyimâkâm, At ame he ka ânyâwia dem gethen;

Luka 1:70

(Helâji me hnen hna ha a deny anyin je perofeta ae kap hwân hnyi can hmeledrany),

Luka 18:31

E ame hom kâu hnyat a twelv me ha ködrin, ka habe, Wâ bi, otin e he ka he Jerusalema ai, ke ame he ka hwâdâ ka Nokon at ta je ûnyi hia a sihnalimen ta je perofeta.

Ioane 10:27

A long ut halek ta je mamoe ifucik, ke oge me wâhmakhmetu ödra, ke adre me he hotuk:

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:65

Me e ame ha kodra, ka habe, Waleling me inye ha köbun, ka habe, E ba at ae khana he ka o könya, a ne ca ham kâu hnen Kamen.

Ta je huliwa 13:40

Anyin a wale, o ʼbun âu, wâ e nye o but köbun hna ha hnen ta je perofeta, ka habe,

Ta je huliwa 7:42

Haba Khong ame hwio thö me hnʼ ödra but he ka bi athnyabainy ta je ûnyi hnyi drany; helâ me hna sihnalimen hnyi tusi anyin je perofeta, ka habe, Hawa, öbun e hudo könya ta je meno adre me hlingâ me ta je hut Hnyi hnyebuba hnyi je huna a fâte, lap anyi Isaraela?

Efeso 1:17

me me he Khongon Tuhöta Iesu Keriso, Kamen ae hmanenang, ka ham köbun hanuiny metâ me hna omanenâ, mʼ öbun e he ka wâhmakhmeto e:

Filipi 3:15

Anyin a wale hamöta hia tavat ae wisa he ka ûnykûme helâe: ke a ne hu ke je ûnykûmenöbun hnyi ke ûnyi, me ame he Khong ka omanenâ ûnyi eling köbun:

I. Thesalonika 4:9

Ke ca ûnyi hnathu bi a oge me he ka sihnalimen köbun ge bongon ibetengiö anyin hnyat me lakeiny: anyin a nʼ öbun Khong he ka ibetengiököu;

Heberu 10:16

Walang ûhihinykön oge me he ka ânyâ mʼ ödra Hwaban ta je bong e, haingen Than; Ka habe, Oge me he ka ip anyik ta je hnanyibu hnyi je hnyekudra, Ke oge me he ka sihnalimen e minya hnyi je ûnykûmenödra; waleling me me ha, ka habe

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.