Ioane 6:44 - Iaai Bible 1901 (New Caledonia)

⁴⁴ E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Ioane 6:44 ပူးပေါင်းရင်းမြစ်များ

Khumöng Hwanyi Solomona. 1:4

Lili nya thö; mʼ ohmun e he ka wadring hotom: Than ame su nya ka hnyi je hnyeuleny: Öhmun e he ka senyin me hobi u, Öhmun e he ka ha gânâ ge ânyâm ibetengiö hon waina: Adre me hnyok köu hnyi wisa.

Jeremia 13:23

Hawa, e khana at Aithiop he ka wia unen unyin, me lepad, hna bi hnahlimen unen? awe, e khanʼ öbun he ka ânyâ so, wale tavat adre me khenen he ka ânyâ hulo.

Jeremia 31:3

Haba Iehova ame manen dut könya ehac me ha, ka habe, Inya oge me betenge gam ge betenge a nyiele balua: anyin a wale oge hia but lili u ge betenge baû.

Hosea 11:4

Oge me lili ödra hnyi je tö anyin at, wale a toiny ibetengiö; ke iny ûcû ködrin me at ame hom degecâ hna ûhûkâlâköuâ ûnyi hnyi je waidra.

Mataio 12:34

Je lakon on lö, öbun e he ka kâmâu he ka ha je hofuc ae so, kʼ öbun kong bi? anyin ame fuc hnyem ûnyi ge unöngötiny hnyok.

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Ioane 12:32

Ke haba inya, adre ne ogoranyi nya ûnyi eang hmeledrany, me oge me he bi nya ka lelo tavat hia thithö könya.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 6:43

Haba Iesu ame thu kodra me ha, ka habe, Ca ulit öbun.

Ioane 6:45

Adre me sihnalimen hnyi tusi anyin je perofeta, ka habe, Ame he Khong ka nʼ ödra hia. Ke haba tavat hia adre me long ûnyi ge Kamen, kʼ adre me ûne bi, me adre me he ka o könya.

Ioane 6:65

Me e ame ha kodra, ka habe, Waleling me inye ha köbun, ka habe, E ba at ae khana he ka o könya, a ne ca ham kâu hnen Kamen.

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Filipi 1:29

anyin adre hia but ham köbun ge Keriso, ca he ka hake labageju thibi kâu, ke so minya he ka vec can e:

Kolose 2:12

ke adre me tha konâm më hnyi hna bapataiso, wale adre tha omeli öbun hmetu më ge labageju ka hnyi huliwa anyin Khong, waleji at ame omelö hmetu e ûnyi hnyi hna mok.