Ioane 6:40 - Iaai Bible 1901 (New Caledonia)

⁴⁰ Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:40 ပူးပေါင်းရင်းမြစ်များ

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Numera 21:9

Ke Mose ame op ke on a bras, me ip hon uci: ke ame ne wâ on bras hnen at a oloû ge on, me e ame möt.

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Mareko 16:16

Haba at ama labageju me adre bapataisoâ, me ame he ka möt; ke haba at ama ca labageju bi, e ame he ka hnaûhango.

Luka 2:30

Anyin oge me wâ ge li emakök ûhomeli ûnyi gam,

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 11:24

Haingö Maretha kâu, ka habe, E khanö nya a gʼ ame he ka möt hmetu hnyi ûen möt hmetu hnyi bong a obiny.

Ioane 11:25

Iesu ame ha kâu, ka habe, Inya ang möt hmetu, me möt minya: haba at ame he ka labageju könya, eja ke ne a ne mokcu, e ame he ka möt:

Ioane 12:45

Ke haba at ame ō nya; me ame wâ minya at a kunö nya.

Ioane 12:50

Ke e khanö nya a haba anyin hnanyibu, me möt ame ca ba balua: me haba ta je hofuc oge me ha, me helâ me hnen Kamen hna ha könya, me wale hnok hna ha.

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 14:19

E okhulit biju ûen me ame ca he hmeledrany ka ö nya; ke öbun e he ka ö nya: anyin a oge me möt, me öbun e he minya ka möt.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 5:24

E hnathu, e hnathu, inya oge me ha köbun, ka habe, Haba at ame long hok ta je hofuc, kʼ ame labageju ka at a kunö nya, me hu but gan möt ame ca ba balua, kʼ ame ca he bi ka hnaûhango, ke e ame he but ûheny hnyi mok ka hnyi möt.

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ioane 6:39

Ke walang weny at a kunö nya, o oge me ca he ka hna ke at gadra a ham könya, mʼ oge me he bi ka otilʼ ödra hnyi bong a obiny.

Ioane 6:44

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Ioane 6:54

Haba at ama an unyik me ijem drök, me hu but kâu möt ame ca ba balua; ke oge me he ka otilâ thö e hnyi bong a obiny.

Ioane 8:56

Ame senyin Aberahama a kamöbun he ka wâ bonguk je bong; ke e ame wâ ju me e ame senyin.

Roma 5:21

ke haba hulo ame musi ka hnyi mok, me helâe ame he ibetengiö baû ka musi hnen hwakecin ae wisa ka hnyi möt ame ca ba balua, a deny Iesu Keriso a Tuhöta.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

II. Korinito 4:6

Anyin a Khong, waleji at ame ha, ka habe, Ame he ka umumelam but melam ûnyi hnyi lit, waleji ame öumumelamâ je hnyekuta, me me melam but he ka wâhmakhmetoâ hmanenang anyin Khong hnyi hnyimakö Iesu Keriso.

Heberu 11:1

HABA labageju, me wale ciny ta je ûnyi adre me gejon, me hnân ohwâdâ ta je ûnyi adre me ca wâ bi.

Heberu 11:27

Hnen labageju e ame hna but Aigupito, e ame ca outen hmonyin anyin than: anyin a e ame hokhnyok, helâke at ka wâ at ae ca manen bi.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

I. Ioane 2:25

Ke walang hna ha bânâ waleji e ame ha bânâ köta, möt ame ca ba balua.

Juda 1:21

ke tuʼ öbun ju hnyi ibetengiö anyin Khong, ke halubahingen ju öbun ibetengiö baû anyin Tuhöta Iesu Keriso, ke ne o but ka hnyi möt ame ca ba balua.