Ioane 6:39 - Iaai Bible 1901 (New Caledonia)

³⁹ Ke walang weny at a kunö nya, o oge me ca he ka hna ke at gadra a ham könya, mʼ oge me he bi ka otilʼ ödra hnyi bong a obiny.

Ioane 6:39 ပူးပေါင်းရင်းမြစ်များ

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Mataio 10:15

E hnathu, inya oge me ha köbun, ka habe, Ame he ka hâhâ ka hnyei Sodoma me Gomora hnyi bong owisa hon taun eling.

Mataio 18:14

Ke helâe e ca weny Kamöbun ethö hnyi drany, a gʼ ame he ka hia ke at eang ae ûhnyûkong.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Ioane 12:48

Haba at ame digic nya, kʼ ame ca kap bi hok hofuc, me hu bi at ame owisa kâu: haba hofuc, waleji oge me ha, me wale at ame he ka owisa kâu hnyi bong a obiny.

Ioane 17:12

Oge tuʼ ödrin hnyi iâm, waleji ke tiga inya unyidrin, hnyat u je ham könya: ke oge tuʼ ödrin me ba ke at gadrin ae hia, ke aten thiju hnaûhango; me me hwâdâ hna sihnalimen.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 17:6

Oge hia but omanenâ iâm ka tavat u je hna könya ûnyi eang hmeledrany: ânyâm ödrin ke u je hnʼ ödrin könya; ke ödrin e vheno but hwâm hofuc.

Ioane 17:9

Inya oge me hic hobi ködrin: oge ca hic hobi kâu hmeledrany, ke hobi ködrin bi u je ham könya; anyin a ânyâm ödrin:

Ioane 18:9

me me hwâdâ hofuc e ame ha, ka habe, E ca hia ke at gadra u je ham könya.

Ioane 5:28

Ca lâiâ bi e, anyin ame he jem ûen a gʼ ame he tavat hnyi ta je erkemok ka long ifucin,

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:44

E ba at ae khana he ka he könya, a ne ca lelo bi e hnen Kamen, a at a kunö nya: ke oge me he ka otilâ thö e hnyi bong a obiny.

Ioane 6:54

Haba at ama an unyik me ijem drök, me hu but kâu möt ame ca ba balua; ke oge me he ka otilâ thö e hnyi bong a obiny.

Roma 8:11

Ke a ne laba eû hnyi hnyibun Hanon at ame omeli Iesu hmetu ûnyi hnyi hna mok, ame he minya at ame omeli Keriso Iesu ûnyi hnyi hna mok, ka omelö ta je unyibun ae bobot ûnyi ge Hanon, at ame laba eû hnyi hnyibun.

I. Korinito 6:14

ke haba Khong ame omelö hmetu thö Than, me e ame he ka omeli öta hmetu ûnyi ge maniny man.

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

Iakobo 5:15

ke haba hic hnyi labageju, me ame he bi ka omelö komok, kʼ ame he Than ka otilâ thö e; ke a ne hia but ânyâ ta je monu, me ame he ka thang ut gan.

I. Peteru 1:5

kʼ adre me tuʼ öbun hnen man maniny Khong deny labageju ka hnyi möt adre me penapena he ka omanenâ hnyi ûen a biliny.

Juda 1:1

INYA Juda athnyabai Iesu Keriso, liamekeiny me Iakobo, oge me set ka tavat adre hawʼ ödra, me laoûnykûminy Khong a Kamen, tavat adre tuʼ ödra hobi kö Iesu Keriso:

I. Samuela 25:29

Eja ke ne a ne hia but tot at he ka hnu u, me elâm he ka hlingö u, ke so bi adre me he ka tha lan hanom hnyi bwiny möt unyi Iehova Khongom; ke haba hanon je iwahnaihmiöny mou e ame he ka kûlûâ degecâ, helâ ke ûheny hnyi hnyimen koloû.