Ioane 6:32 - Iaai Bible 1901 (New Caledonia)

³² Me haba Iesu ame ha ködra, ka habe, E hnathu, e hnathu inya oge me ha köbun, ka habe, A ca ham köbun areto ûnyi hnyi drany ga Mose; ke so bi Cica ame ham köbun hing areto ûnyi hnyi drany.

Ioane 6:32 ပူးပေါင်းရင်းမြစ်များ

Salamo 78:23

Ke so bi e ame hûna ka ta je ûlâ ethö, Me khong ut ta je hwanumen drany;

Esodo 16:4

Ke haba Iehova ame ha kö Mose, ka habe, Wâ bi oge me he ka ota köbun jeû helâ me we ûnyi hnyi drany; kʼ ame he tavat ka thigâ e hnyi je bong ae ûcû ka hnyi bong, mʼ inye he ka cubic odra, adre me ne he ka vheno anyik hnanyibu, ame ne ba.

Esodo 16:8

Ke haingö Mose, ka habe, Eâu sahac ame he Iehova ka ha öbun ge meno, me jeû hnyi hnyomakatu me me sekubun; anyin a löng ut Iehova hnöbun hna etra: ke ie li at ohmu? kʼ öbun e ca etrʼ ohmu, ke Iehova bi.

Ioane 1:9

Haba melam hnathu, me wale at ame omelamâ tavat hia adre me o ka hnyi hmeledrany.

Ioane 15:1

INYA eang vine ae hnathu, ke Kamök at ame belökâ.

Ioane 6:31

Haba lakamöhmun adre me han mana hnyi hnyebuba; helâ me hna sihnalimen, ka habe, E ame ham ködra areto ûnyi hnyi drany hnân han.

Ioane 6:33

Anyin a areto anyin Khong, me wale at ame utut ûnyi hnyi drany, kʼ ame ham möt ka hmeledrany.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Ioane 6:41

Haba at Juda adre me ulidro e anyin A e ame ha, ka habe, Inya ang areto ame utut ûheny hnyi drany.

Ioane 6:50

Walang areto ame utut ûheny hnyi drany, a ga ne an hnen ke at, e ame ca he ka mok.

Ioane 6:55

Anyin a hing jeû unyik, ke hing möt hnathu drök.

Ioane 6:58

Walang areto ame utut ûheny hnyi drany: ca helâ me hna han hnen lakamen ke adre me mokcu: haba at ame han areto ang, me ame he ka möt nyiele balua.

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.