Ioane 6:30 - Iaai Bible 1901 (New Caledonia)

³⁰ Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Ioane 6:30 ပူးပေါင်းရင်းမြစ်များ

I. Je Than 13:3

Ke e ame bi haten hnyi bong eling, me ha, ka habe, Walang haten ame ha Iehova: Wâ bi, ame he ka hmouca taben hut, me hingölö je dröu ûnyi hnyi hon.

I. Je Than 13:5

Ke ame hmouca but minya taben hut, me hingölö but je dröu ûnyi hnyiʼhon, helâ me haten ame ha aten Khong ûnyi ge hofuc ho Iehova.

Esodo 4:8

Ke adre me ne ca köp u, me löng hoton haten a bân, adre me he ka löng hoton haten a bilany bi.

Esodo 7:9

E ka ha köbu Farao, ka habe, Ânyâ thö anyibu haten: me u me he ka ha kö Arona, ka habe, Hom dö ânyâm uci, me khûâ hnyikânâi hnyi hnyimakö Farao, me me on dut.

Isaia 5:19

tavat adre me ha, ka habe, E so e ame logot, e so e ame mweimweiâ anyin huliwa, mʼ öhmun e he ka wâ e; ke ohakekenyâ thö, me o but musi anyin Kabiny Isaraela ûse me khanʼ öhmun dö!

Mareko 15:32

E so e utut walang ang Keriso, Tuhan at Isaraela ûheny hnyi satauro, mʼ ate me he ka wâ me labageju. Ke habe li at adre tha osatauroâ mē, ödru me hiâ minya.

Mareko 8:11

Ke ame o but ta je Faresaio me hwân he ka hnö e, adre me elâm gan haten ûnyi hnyi drany he ka cubec e.

Ioane 10:38

Ke o ge ne mâdrâ, eja ke ne öbun e ca köp nya, kap bi thʼ öbun ta je huliwa: mʼ öbun e he ka wâhmakhmeto me wâ ûnykûme a gʼ ame laba Kamen eû hnyik, ke inya eû hnyin Kamen.

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 2:18

Me ame thu at Juda me ha kâu, ka habe, Ieû haten u me he ka omanenâ kohmun, a u me ânyâ ta je ûnyi e?

Ioane 4:8

Haba laten, me ödrin e he but ka hnyi taun he ka ûcû jeû.

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 6:2

Haba tavat ae se hia adre me he hoton, anyin adre me wâ ta je ûöman e ame ânyâ ka tavat a ödra mok.

Ioane 6:36

Ke oge me ha köbun, ka habe, öbun e ö nya, ke öbun e ca labageju bi.

Ta je huliwa 4:30

ke u je lau hnyamâm he ka osoâ; mʼ adre me he ka ânyâ ta je ûöman me ta je haten hnyi ien Atâm ae kap a Iesu.

I. Korinito 1:22

Haba at Juda, me wedra ta je haten, ke haba at Heleni adre me elâm metâ:

Heberu 2:4

ke ame munyi ohnatho mʼ ödra Khong ge ta je haten, me ta je ûöman, me ta je huliwa ae man ae ve bongon, me ta je bwihlany anyin Hanu Kap, helâ me weny.