Ioane 6:27 - Iaai Bible 1901 (New Caledonia)

²⁷ Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ioane 6:27 ပူးပေါင်းရင်းမြစ်များ

Salamo 2:7

Oge me he ka omanenâ hnanyibu: Haingö Iehova könya, ka habe, U thibi nokuk; Oge hnöku u hnyi bong ang.

Salamo 40:7

Ke haingök, Wâ ju, inya ang: Adre me sihnalimen gak hnyi tusi adre vhec:

Ta je Vejec 9:5

Ai Öbun, me hnyi an ök jeû, Me ijem anyik waina oge me ûhaniken.

At Khet 6:7

Haba ta je huliwa hia anyin at, hnân hobi kâu bi hnyimen, kʼ ame ca sekon bi weny.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Jeremia 15:16

Adre me wâ hwâm je hofuc, me oge me an e; ke hnân senyin me hnân hobâ hwâm je hofuc hnyi hnyekuk: anyin adre me hwenyi iök ge iâm, Iehova Khongon sabaoth.

Habakuka 2:13

Wâ bi, hawa, ca ûnyi ga Iehova tuhan sabaoth a ame he tavat ka huliwa hobi kâu meic, me ame he je hnyei ka osēnyini ödra hnyi ûnyi ae ûnyi baû?

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 25:46

Ke haba tavat ang, me adre me he ka he ka hnyi hna bi hwaban ame ca ba balua; ke haba tavat ae wisa hwakecidra ka hnyi möt ame ca ba balua.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mataio 6:19

Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu:

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Mareko 1:11

me ame o but hwan hofuc ûnyi hnyi drany, ka habe, U thibi Nokuk a oûnykûmik, inya oge me senyin köu.

Mareko 9:7

Ke ame o thö ke ûlâ me tubi ödrin: me ame o but hofuc ûnyi hnyi hnyin ûlâ, ame ha, ka habe, Walang Nokuk a oûnykûmik: long ju öbun kâu,

Luka 3:22

me ame olo but kâu Hanu kap hnyi unyin, helâ me biny, ke ame o but hofuc ûnyi hnyi drany, ka habe, U thibi Nokuk a oûnykûmik; oge me senyin köu.

Luka 9:35

Me ame o but hwan hofuc ûnyi hnyin ûlâ ame ha, ka habe, Wale Nokuk a ûcanök: long ju öbun kâu.

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 17:2

waleling u je hna e he ka muso tavat hia, me me he ka ham möt ame ca ba balua kodra hia u je ham kâu.

Ioane 3:15

me me he ka hu ûnyi gan möt ame ca ba balua ka tavat hia adre me labageju.

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:47

E hnathu, e hnathu, inya oge me ha köbun, ka habe, Haba at ame labageju, me hu but kâu möt ame ca ba balua.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ioane 6:53

Haba Iesu ame ha kodra, ka habe, E hnathu, e hnathu, inya oge me ha köbun, ka habe, Öbun e ne ca an unyin Nokon at, me ijem dren, me ca hu möt bi eû hnyi je hnyekubun.

Ioane 6:54

Haba at ama an unyik me ijem drök, me hu but kâu möt ame ca ba balua; ke oge me he ka otilâ thö e hnyi bong a obiny.

Ioane 6:58

Walang areto ame utut ûheny hnyi drany: ca helâ me hna han hnen lakamen ke adre me mokcu: haba at ame han areto ang, me ame he ka möt nyiele balua.

Ioane 6:62

Ame ne he ka hawa öbun ka he ka wâ Nokon at ame ölö ka hnyi hnen bi ehac?

Ioane 6:68

Haba Simona Peteru ame thu kâu, ka habe, Than lö, ohmun e he ka he ko ia? e thibi gam je hofucin möt ame ca ba balua.

Ioane 8:18

Haba inya oge me ka ohnathu nya bi, ke ame ohnathu nya minya bi Kamen at a kunö nya.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

Roma 4:11

ke e ame kap haten, wale peritom, hnân bi haten hwakecin ae wisa, a anyin labageju kʼ adre tiga ca peritomonâ: me me he ka kamen tavat hia adre me labageju, kʼ adre ne ca peritomoni ödra, mʼ adre me hâiâ hwakecin ae wisa kodra;

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

I. Korinito 6:13

Haba ta je jeû, me hobi kâu hnyok, ke hnyok hobi kâu ta je jeû: ke ame he Khong ka tha ohia. Haba unyin, me ca hnân hobi kâu bi ûnyi monu, ke so bi hobi kâu Than, ke haba Than, me hobi kâu unyin:

I. Korinito 9:2

Eja ke ne oge ne ca aposetolo ka keihen, me iny aposetolo bi köbun: anyin a haba öbun, me haten hnân ohmâ hnyi Than a iny aposetolo.

II. Korinito 4:18

ke öhmun e ca wâ hmâ ta je ûnyi ae manen, ke so bi ta je ûnyi ae ca manen bi: anyin a haba ta je ûnyi ae manen me e hu obiny; ke haba ta je ûnyi a ca manen bi, me nyiele balua.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Deuteronomi 30:13

Ke haba khaca, ca e bi hnyi hoton köiö, mʼ u me he ka ha, ka habe, Ie at ame he ka kâcâ köiö hobi köta, me hom e köta, mʼ ate me löng me ânyâ!

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Kolose 2:22

(ame he ka hia ta je ûnyi e, at ka mâdrâ), helâ me je hna hûna me je hna ûnö hnen at?

Kolose 3:2

Hnyok dʼ öbun ka ta je ûnyi ethö, ke ca ka ta je ûnyi eang hmeledrany.

I. Thesalonika 1:3

me ca menâ ûnykûme anyibun huliwa hnyi labageju, me huliwa hnyi ibetengiö, me hokhnyok hnyi gejon ka Tuhöta Iesu Keriso hnyi hnyimakan Khong a Kamöta;

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.

Heberu 12:16

wâ e nye hu ke at bi ûnyi monu, me at thothom baga helâ me Esau, waleji at ame ham hwajekhon atö he ka ûco ûjeû.

Heberu 4:11

Anyin a wale e so ate me hwege he ka dit ka hnyi hna menâ eling, wâ e nye û but ke at e ka he ka ûcûcubongo ca ûling eling.

Iakobo 1:11

Anyin ame uto seûno me ang ae kahwa hömnyin; me ame ie meleca thö önying, me ame kolu but vongon, ke ame hia but hmanenanginy; ke helâe ame he ka hia at tren omjeû hnyi deny ta je gethen.

I. Peteru 1:24

Anyin A helâ me hna önying tavat hia thithö, Ke haba hmanenanginy at, me helâ me vongon hna önying. Ame meleca Önying, kʼ ame kolu but vongon:

II. Peteru 1:17

Anyin ae hu but gan ûnyi ge Khong a Kamen hna ogânâ me hmanenang, waleji ame o kâu hwan hofuc ûnyi hnyi hmanenang ae nua, ame ha, ka habe, Walang Nokuk a oûnykûmik oge me senyin kâu: