Ioane 6:26 - Iaai Bible 1901 (New Caledonia)

²⁶ Haba Iesu ame thu ködra, ka habe, E hnathu, e hnathu inya oge me ha köbun, öbun e ca elöm nya anyin öbun e wâ ta je ûöman, ke anyin bi öbun e han areto me ame sekubun dö.

Ioane 6:26 ပူးပေါင်းရင်းမြစ်များ

Salamo 78:37

Anyin ae ca wisa hnyekudra kâu, Kʼ adre me ca hnathu bi ka hnyi hna ûhihinyköu mē.

Ezekiela 33:31

Ke adre me he köu helâ me hwakecin tavat, kʼ adre me laba hnyi hnyimâkâm helâ me lakeik, kʼ adre me long hwâm hofuc, ke so bi adre me ca mâdrâ: anyin adre me ha betenge ge ta je hnyimödra, kʼ adre me vheno hnödra hna behnyekon ge je hnyekudra.

Ioane 3:3

Iesu ame thu me ha kâu, ka habe, E hnathu, e hnathu, inya oge me ha köu, Adre ne ca hnokoâ hmetu hi at, e ca khana he ka wâ dokhu dokhon Khong.

Ioane 3:5

Ke haingö Iesu, ka habe, E hnathu, e hnathu inya oge me ha köu, Adre ne ca hnokoâ bi at hnyi köiö me Hanu, e ca khana he ka didrö ka hnyi dökhu dokhon Khong.

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 6:15

Ke a wâ but Iesu, a gʼ adre me he ka o thö he ka hom ûjengö e he ka otilâ e me than, me e ame hake he hmetu ka hnyi bucen.

Ioane 6:2

Haba tavat ae se hia adre me he hoton, anyin adre me wâ ta je ûöman e ame ânyâ ka tavat a ödra mok.

Ioane 6:24

me ame wâ hnen tavat ae se hia ae hiö Iesu eling, me laten minya, me adre me laba but hon je ong galu, me kec Kaperenauma ai he ka elöm Iesu.

Ioane 6:30

Me adre me ha kâu, ka habe, Ieû haten u me he ka mâdrâ, mʼ ohmun e wâ thö, me labageju köu? ieû ânyâm huliwa?

Ioane 6:36

Ke oge me ha köbun, ka habe, öbun e ö nya, ke öbun e ca labageju bi.

Ioane 6:47

E hnathu, e hnathu, inya oge me ha köbun, ka habe, Haba at ame labageju, me hu but kâu möt ame ca ba balua.

Ioane 6:53

Haba Iesu ame ha kodra, ka habe, E hnathu, e hnathu, inya oge me ha köbun, ka habe, Öbun e ne ca an unyin Nokon at, me ijem dren, me ca hu möt bi eû hnyi je hnyekubun.

Ioane 6:64

Ke ame ca labageju keihen gabun. Anyin ae khanö Iesu tavat adre me ca labageju, me at minya bi ame he ka alecuâ e.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.

Filipi 2:21

Anyin a ödra hia adre me ka elâm anyidra bi ta je ûnyi, ke ca ta je ûnyi anyi Iesu Keriso.

Filipi 3:19

haba obiny ködra, me hnaûhango, haba khongudrin me hnyekudra, kʼ adre me hobeluâ ûnyi hnân hmehma ködra, kʼ adre me hnyok ka ta je ûnyi hnyi hmeledrany ang.

I. Timoteo 6:5

me ta je ûö hwege anyin tavat adre me hnyokâ hulo ke ca hu bi hnathu gadra, ke adre me ûnykûme, ka habe, haba hwakecin outen Khong me wale deny he ka hu kodra tang omjeû.