Ioane 6:11 - Iaai Bible 1901 (New Caledonia)

¹¹ Haba Iesu ame hom je areto, ke a hia but oleâ, me e ame khenâ but ka tavat adre me ûlalabainy; helâe minya li ong wâ, hoton wedra.

Ioane 6:11 ပူးပေါင်းရင်းမြစ်များ

Mataio 15:36

ke e ame hom je areto a seven me je ong wâ, me e ame oleâ me thuthu, me ham ka laten, ke laten ka tavat ae se hia.

Luka 24:30

Ke e ame tha laba mödru he ka han, me e ame hom areto, me oleâ, me thuthu me ham ködru.

Ioane 21:10

Iesu ame ha ködrin, ka habe, Hö jem ke je wâ öbun e hom walang ang.

Ioane 21:13

Ame o Iesu, me hom areto, me je wâ, me ham ködrin.

Ioane 21:9

Ke ödrin e o thö hot, ödrin e wâ meic alep, me je wâ hnyi hon, me areto.

Ioane 6:23

(ke so bi ame khop dö ke je ong galu ûheny Tiberia hakekeny ka hnyi dok adre me han hnyin hwaban hna ole hnen Than):

Ioane 6:9

Wale ke da ae hu je areto bali a faiv ke li ong wâ: ke hnân eû thö ling ke se hia tavat?

Ta je huliwa 27:35

E ame ha hofuc e, me hom areto, me oleâ ka Khong hnyi hnyimakodra hia: ke e ame susubâ, me hwân he ka han.

Roma 14:6

Haba at ame oûnyihnathoâ bong, e ame oûnyihnathoâ e ka Than: haba at ame han, ame han bi ka Than, anyin a e ame ole ka Khong; ke haba at ame ca han, e ame ca han ka Than, me oleâ ka Khong.

I. Korinito 10:31

Anyin a wale, öbun ka he ka han, me ic, me ânyâ ke ta je ûnyi bi, ânyâ hia thö hnân ogânâ Khong.

I. Thesalonika 5:18

oleâ ju ta je ûnyi hia thithö, anyin a wale weny Khong köbun ge Keriso Iesu.

I. Samuela 9:13

öbu ka o hnyi taun öbu me he ka wâ, ke tiga ca ölö bi ka hnyi dok ae görany ka han: anyin ame ca he tavat ka ban, kʼ ame tiga ca o, anyin a hamen he ka hmö hut; hwaban e, ame hnyi han tavat adre hawâ. Ke olo thʼ öbu walang ang; anyin öbu me he ka wâ hnyi ûen ang.