Ioane 5:46 - Iaai Bible 1901 (New Caledonia)

⁴⁶ Anyin öbun e ne köp Mose, me öbun e he ka köp nya minya; anyin a e a sihnalimi nya.

Ioane 5:46 ပူးပေါင်းရင်းမြစ်များ

Genese 12:3

ke oge me he ka ohnahici ödra adre me ohnahici u, ke haba at ame hangö u oge me he ka hangâ: ke ame he ka hnahic ut ûnyi gam ta je hnyei hia eang hmelen.

Genese 18:18

anyin ame he Aberahama ka hnân hnyei ae gan me man, ke ame he ka hnahic ûnyi gan ta je hnyei hia eang hmelen?

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Genese 28:14

ke ame he ta je mâtrânâm ka helâ me sesâiny kânâ, ke u ma he ka lau jio, me deiö, me hwadrö, me hwaiöu: kʼ ame he ka hnahic ta je hnyei hia eang hmeledrany ûnyi gam me ûnyi ge ta je mâtrânâm.

Genese 3:15

ke oge me he ka oiwahnaihmiönyi u me momo, me mâtrânâm me mâtrâniny momo: e ame he ka kot bâm, ke u me he ka kot ohmâiny can.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Ioane 1:45

Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 5:47

Ke öbun e ne ca kap hnen hna sihnalimen, me öbun e he ka hawa he ka kap hok ta je hofuc.

Ta je huliwa 26:22

Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o;

Roma 10:4

Anyin a Keriso obiny hnanyibu hobi kâu hwakecin ae wisa kodra hia adre me labageju.

Galatia 2:19

Anyin oge mok ut ka hnyi hnanyibu ûnyi ge hnanyibu, mʼ inye he ka möt bi ka Khong.

Galatia 3:10

Anyin a haba tavat adre me laba hnyi ta je huliwainy hnanyibu, me ödra but hnyi hmelen hnaûhango: anyin adre hia but sihnalimen, ka habe, E ve hnaûhango but ödra hia adre me ca tethmâ hnyi ta je ûnyi hia thithö adre me sihnalimen hnyi tusiny hnanyibu he ka ânyâ.

Galatia 3:13

Haba Keriso ame ûcû öta ûnyi hnyi hnaûhangöiny hnanyibu, anyin a e ame wia me hnaûhango hobi köta: anyin adre hia but sihnalimen, ka habe, E hnaûhango but tavat hia adre me uhni ödra hnyi ûtö:

Galatia 3:24

Wale me haba hnanyibu, me hnân at ûne köta he ka lili öta ka Keriso, mʼ adre me he ka haiwisʼ öta ûnyi hnyi labageju.

Deuteronomi 18:15

Ke ame he Iehova Khongom ka oâ köu perofeta ae ûcû mönya ûheny unyâm a ûnyi ge je liamekeiny mou; mʼ öbun e he ka löng kâu;