Ioane 5:40 - Iaai Bible 1901 (New Caledonia)

⁴⁰ ke öbun höcö he ka he könya me me hu möt gabun.

Ioane 5:40 ပူးပေါင်းရင်းမြစ်များ

Salamo 81:11

Ke haba lakeik adre me ca long ifucik; Kʼ ame ca ogo nya bi Isaraela.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Mataio 22:3

kʼ ame kunâ lathnyabainy he ka hom tavat adre hia but hawâ ka hnyi bijeûiny faipoipo: kʼ adre me höcö.

Mataio 23:37

Jerusalema, Jerusalema lö, at ame hlingâ ta je perofeta, me lûâ tavat adre me kunâ kâu! iny ibi osehia wek he ka ûkha-caköuâ lakom helâ me hinyen denakhoto ame tube lakon ge li labenyin, mʼ öbun ka höcö öbûn!

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 10:10

Ame ca o baû at venöu, ke so bi he ka venöu, me ûhlingö me ohia: oge me o but mʼ adre me he ka hu möt, kʼ adre me he ka hu gânâ.

Ioane 3:19

Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 5:41

Oge me ca kap hna ogânâ ûnyi ge at.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 6:27

Ca huliwa bi hobi kâu jeû wale ûnyi ame he ka bobot, ke so bi jeû ae tet hmâ ke ne o but ka hnyi möt ame ca ba balua, wale ame he Nokon at ka ham köbun: anyin a wale at Kamen ame okeceâ haten hon, wale Khong.

Ioane 6:37

Haba ödra hia a ham könya Kamen, me adre me he ka o könya; ke haba at ame he ka o könya, me oge me ca he bi nya ka degec.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.