Ioane 5:39 - Iaai Bible 1901 (New Caledonia)

³⁹ Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 5:39 ပူးပေါင်းရင်းမြစ်များ

Salamo 1:2

Ke haba hnanyibu anyi Iehova, me wale anyin senyin; Kʼ ame labö ûnykûme ge anyin hnanyibu hnyi lany me lit.

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Salamo 133:3

E ûcû me dân hau hnyi Heberona, Ame ta hon je bucen Ziona: Anyin a Iehova ame hûna eling hnahic, A möt nyiele balua.

Salamo 16:11

U me he ka omamenâ könya gethen deny möt: E unöngötö senyin hnyi hnyimâkâm; Ke e hnyi hnyamâm a metâm ta je ûnyi hnân osenyinâ nyiele balua.

Salamo 21:4

E ame sumatö möt gam, me u je ham kâu; Wale ta je bong ae beû ke ne o but nyiele balua.

Salamo 36:9

Anyin a e bi unyâm pupuainy möt: Ohmun e he bi ka wâ melam hnen ânyâm melam.

Ta je Vejec 6:23

Anyin a haba hna hûna, me wale lamepa; ke haba hnanyibu, me wale melam; Ke haba hna nâ me me metâ, me wale gethen deny möt:

Isaia 34:16

Elâm dʼ öbun tusi anyi Iehova, ke aû thö: ame ca he ka hia ke at a khaca gadra, ke ame ca he bi ka ba ûcon: anyin a hia but hûna e hnen hnyimök, ke a ûkhacaköuâ e ge hanon.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Jeremia 8:9

A hmehma but tavat metâ, adre me monumonu but, me hnok dö: wâ bi, adre hia but hna degecâ hofuc ho Iehova; ke ieû bongon metâ unyidra?

Daniela 12:2

Ke se hia tavat adre me mokut eû hnyi kânâ adre me he ka hmak hmetu, keihen ka hnyi möt nyiele balua, ke keihen ka hnyi hmehma me ikikiâ nyiele balua.

Mataio 22:29

Haba Iesu ame thu me ha ködrin, ka habe, Öbun e ûnykûme hwalö but, ke ca khanʼ öbun hna sihnalimen, me man maniny Khong.

Mareko 10:3

Ke e ame thu kodra, ka habe, Ieû hna hûna köbun hnö Mose?

Mareko 12:10

Öbun e ca munyi aû hna sihnalimen, ka habe, Haba veto ame degec ge tavat bi uma, Me adre hia but ânyâ eling me hnân kopiny bahebet:

Luka 16:29

Ke haingö Aberahama kâu, ka habe, E hu Mose me je perofeta unyidrin; hamödrin he ka ling Ödrin.

Luka 16:31

Me haingen kâu, ka habe, Ödrin e ne ca ling Mose me je perofeta, me ödrin e ca he ka hmehmela e ka möt hmetu thö ke at ûnyi hnyi hna mok.

Luka 24:25

Me e ame ha ködru, ka habe, Öbu li monu, me bec li hnyekubu he ka kap hia je hna ha hnen ta je perofeta!

Luka 24:27

Ke e ame hwân ga Mose me ta je perofeta hia, he ka omanenâ ködru ta je hna sihnalimen hia gan.

Luka 24:44

Me e ame ha ködrin, ka habe, Walang je hofuc oge me ha köbun, waleji e me tiga inya ang unyibun, ae ûcû he ka owhâdâ ta je ûnyi hia adre sihnalimen hnyi hnanyibu anyi Mose, me ta je perofeta, me ta je salamo gak.

Ioane 1:45

Filipo ame ō Nathaniela, me e ame ha kâu, ka habe, Ohmun e wâ but hna sihnalimen hnö Mose hnyi hnanyibu me ta je perofeta minya, wale Iesu at Nazareta, nöku Josefa.

Ioane 5:32

E so ke hu ke at ame ohnathu nya; ke e khanö nya ae hnathu hnen hna ohnathu nya.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 5:40

ke öbun höcö he ka he könya me me hu möt gabun.

Ioane 5:46

Anyin öbun e ne köp Mose, me öbun e he ka köp nya minya; anyin a e a sihnalimi nya.

Ioane 7:52

Me adre me thu me ha kâu, ka habe, Ûhem minya Galilaia? Elâm dö me wâ, anyin ae ba ke perofeta ame o ûheny Galilaia.

Ta je huliwa 13:27

Anyin a tavat adre me laba hnyi Jerusalema, me ta je taben, adre me ca wâhmakhmeto e me hofuc hwan je perofeta adre me labö aû hnyi je sabath, me adre me ohwâdâ bi hofuc e hnyi hnödra hna ohnaûhangoâ e.

Ta je huliwa 17:11

Ke beönua hwakecin ae so ge tavat ang hon at Thesalonika, anyin adre me kap hofuc ge je hnyekudra ke wedra, kʼ adre me elâm je hna sihnalimen hnyi je bong, he ka wâ hnathuiny ta je unyi e.

Ta je huliwa 26:27

Than Ageripa lö, hawa, u me kap je perofeta? e khanö nya a u me kap.

Roma 1:2

waleji e ame ha bânâ a deny anyin ta je perofeta hnyi je hna sihnalimen ae kap,

Roma 3:2

E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong.

Deuteronomi 18:15

Ke ame he Iehova Khongom ka oâ köu perofeta ae ûcû mönya ûheny unyâm a ûnyi ge je liamekeiny mou; mʼ öbun e he ka löng kâu;

Deuteronomi 18:18

Me oge me he ka oâ hobi ködra ke perofeta ûnyi ge je liamekeiny mödra; me oge me he ka ip hok je hofuc hnyi hnyimen, me e ame he ka ha ködra ta je ûnyi hia oge me he ka ha kâu.

Deuteronomi 29:29

E unyi Iehova Khonguta ta je ûnyi ae iyong: ke haba ta je ûnyi ae manen, me e unyita me lakuta nyiele balua, mʼ ate me he ka ânyâ ta je hofucin hia hnanyibu ang.

Deuteronomi 32:47

Anyin a ca ûnyi bi e ae hâhâ köbun: anyin a e melibun, ke haba ûnyi ge ûnyi eling me öbun e he ka osehia bongubun je bong hnyi hnyei öbun e he ka hanyâûâ Joridano ka hnyin mʼ öbun e labā.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Heberu 11:16

Ke walang ang adre me weny ke hnyei ae beönua hnyin so, a wale thö drany: waleling me me ca hmehma bi Khong, e ka he ka hâiâ e, ka habe, e Khongudrin; anyin a e ame penapena taun hobi ködra.

Heberu 11:35

Haba omomo, me adre me kap je kokidra adre omelö hmetu thö: ke haba keihen adre me oveci ödra, ke adre me ca kap bi hna omelö; mʼ adre me he ka hu möt hmetu ae beönua:

Josua 1:8

Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.

Hna Omanenâ 19:10

Me oge me ta ju hnyi hmelen li can he ka khudrung kâu. Ke haingen könya, ka habe, Ohe, u ma ca ânyâ: anyin a iny athnyaba möu me je liamekeiny möu, tavat adre hom hna ohnathu Iesu: khudrung ka Khong: anyin a haba hna ohnathu Iesu me wale hanon hna operofeta.