Ioane 5:38 - Iaai Bible 1901 (New Caledonia)

³⁸ Ke ca e bi eû hnyi je hnyekubun hwan hofuc: anyin a öbun e ca labageju bi ka hnen hna kunâ.

Ioane 5:38 ပူးပေါင်းရင်းမြစ်များ

Salamo 119:11

Oge hia but hitangen hwâm hofuc eû hnyi hnyekuk, Me inye ca he ka ânyâ hulo köu.

Isaia 26:10

Eja ke ne adre ne betenge ge at ae kong, me ame ca he ka nâ wisa; kʼ ame he ka ânyâ hwakecin ae hwali hnyi hnyei ae wisa, kʼ ame ca he bi ka wâ hmâ hmanenangi Iehova.

Isaia 49:7

Walang hna ha hnö Iehova, at ame ûcû meli Isaraela, wale Kabiny, kâu a at ame hûkhötiâ hnen tavat, ke u at ame bi athnyabainy tavat musi, ka habe, Ame he je than ka wâ me tot; kʼ ame he lakon than ka khudrung; can bi Iehova ae hnathu, wale Kabi Isaraela at a ûco u.

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 15:7

Öbun e ne laba eû hnyi hnyik, ke hok ta je hofuc ame laba minya hnyi je hnyekubun, öbun e he ka sumâtâ ûnyi öbun e weny, me adre me he ka ânyâ hobi köbun.

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Kolose 3:16

E so e he hofuc hwan Keriso ka laba hmâ hnyi je hnyekubun me metâ hia; ûnöbunköu öbun ju ge ta je salamo, me ta je khumöng, me ta je fehuâ ûnyi hnyi hanu, khumöng dö ka Than me ibetengiö eû hnyi je hnyekubun.

Josua 1:8

Haba tusiny hnanyibu eang, me ame ca he ka hia ûnyi hnyi hnyimâm, ke u me be ka ûnykûme e hnyi lany me lit, me tuö me ânyâ hia helâ me hna sihnalimen hnyin: mʼ u me he ka so hnyi dem je gethen, mʼ u me he ka hnahic.

I. Ioane 2:14

Oge hia but set köbun je kamen, anyin ae khanʼ öbun at, waleji ûnyi hnyi can. Oge hia but set köbun wahidröu, anyin a öbun hwege, kʼ ame tethmâ eû hnyibun hofuc hwan Khong, ke öbun e tubun hon at ae kong.