Ioane 5:25 - Iaai Bible 1901 (New Caledonia)

²⁵ E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:25 ပူးပေါင်းရင်းမြစ်များ

Luka 15:24

anyin a walang nokuk ûheny hnyi hna mok, ka möt hmetu thö; ke a hia, ke wale hmetu thö ang. Me ödrin e hwân he ka senyin.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 9:60

Ke e ame ha kâu, ka habe, Hna but ta je komok he ka konâm je kokidrin; ke he bi thö u ka khetâ dokhu dokhon Khong.

Ioane 13:1

A TIGA ca bijeûâ paseka, ke a wâ Iesu a ga o but ûen he ka he but ka Kamen ûheny ang hmeledrany, ke a hia but hnyokâ lahanen eang hmeledrany, me e ame hnyoki ödra ke ne o but obiny.

Ioane 17:1

IESU ame ha ta je ûnyi e; ke e ame bwele hnyi drany ai me ha, ka habe, Cica lö, a o but ûen; ogânâ thö Nokom, me me oganö u minya bi Nokom:

Ioane 4:21

Iesu ame ha kâu, ka habe, Momo lö, labageju nya ju, a gʼ ame he ka o ûen öbun e ca he ka hmi ka Kamen hnyi bucen ang, ke ba minya bi hnyi Jerusalema.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:28

Ca lâiâ bi e, anyin ame he jem ûen a gʼ ame he tavat hnyi ta je erkemok ka long ifucin,

Ioane 6:60

A long ut hnen ke je laten ae se hia, me adre me ha ka habe, E hmak hofuc e; ke ia ae khana he ka long?

Ioane 8:43

Ieû gabun öbun e ca wâ ûnykûme hok hofuc? anyin a e ca khanʼ öbun he ka long hok hofuc.

Ioane 8:47

Haba at a ûnyi ge Khong, me e ame long hofuc hwan Khong: waleling me öbun e ca long anyin a ca ûnyi ge Khong öbun.

Ioane 9:27

E ame thu kodra, ka habe, Oge hia but ha köbun eja, ke öbun e ca long: anyin a ieû ame bewebun hmetu ka long? e bewebun minya he ka bi laten?

Roma 6:4

Anyin a wale adre me tha konim öta më hnen hna bapataiso ka hnyi mok: mʼ ate me he ka vheno möt ae teb ûnyi, helâ me adre me otilâ Keriso ûnyi hnyi hna mok hnen hmanenanginy Kamen.

Efeso 2:1

KE e ame omeli öbun, hnyi ûen öbun e mok can hnobun hna hanyâûâ me hulo,

Efeso 2:5

waleji öta tiga mok can hnöta hna hanyâûâ, me e ame tha omeli öta me Keriso (adre omeli öbun ûnyi ge ibetengiö),

Efeso 5:14

Anyin a wale, e ame ha, ka habe, Hmak dö, u at ame mokut, ke tot hmetu thö ûhem hnyi hna mok, me ame he Keriso ka omelami u.

Kolose 2:13

Ke haba öbun waleji öbun e mok hnyi hwakecin ae kong, me ca peritomonâ je unyibun, e ame omeli öbun tha öbun më, ke e ame ohia anyita ta je hulo hia;

Hna Omanenâ 3:1

KE sihnalimen ju ka angela anyin ekalesia hnyi Saradi, ka habe, Walang ta je ûnyi ame ba hnen at ae hu je Hanu a seven anyin Khong, me je okhû a seven: E khanö nya but ânyâm ta je huliwa, wale ae hu iâm a u möt, kʼ u mok bi.