Ioane 5:20 - Iaai Bible 1901 (New Caledonia)

²⁰ Anyin a kamen ame hnyokâ Nokon, me omanenâ kâu ta je ûnyi hia e ame ânyâ: ke e ame he ka omanenâ kâu ta je huliwa ae gan hon e, mʼ öbun e he ka lâiâ.

Ioane 5:20 ပူးပေါင်းရင်းမြစ်များ

Mataio 11:27

A hia but Cica ham könya ta je ûnyi hia: ke ba ke at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya ame weny Nokon he ka omanenâ kâu.

Mataio 17:5

Ke e ame tiga ha, me wâ bi ûlâ ae hadröngöc ame tubi ödrin: ke wâ bi, hwan hofuc ûnyi hnyin ûlâ ame ha, ka habe, Walang Nökuk a oûnykûmik oge me senyin kâu; long ju öbun kâu.

Mataio 3:17

ke wâ bi ke hwan ûnyi hnyi drany, ame ha, ka habe, Walang Nokuk a oûnykûmik, at oge me ti senyin gan.

Mataio 4:8

Ke haba diabolo ame hom hmetu e ka hnyi bucen ae beû hmâ, me omanenâ kâû ta je dökhu hia eang hmeledrany, ke ta je hmanenanginy;

Luka 10:22

A ham könya ta je ûnyi hia thithö hnö Cica: ke ba at ame wâhmakhmetoâ Nokon, ke Kamen thibi; ke ba at ame wâhmakhmetoâ Kamen, ke Nokon thibi, me at minya hnen Nokon hna weny he ka omanenâ kâu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 14:12

E hnathu, e hnathu, inya oge me ha köbun, Haba at ame labageju könya, me e ame he ka ânyâ minya ta je huliwa oge mâdrâ; ke ame he ka ânyâ ta je huliwa ae gan hon e; anyin a inya oge me he ka Kamen.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.

Ioane 3:35

Haba Kamen ame betenge ka Nokon, kʼ ame hna ta je ûnyi hia ka hnyi li hnyamen.

Ioane 5:21

Anyin a Kamen ame otilâ thö ta je komok me omeli ödra, helâe minya Nokon ame omelö tavat e ame weny.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:29

me he but; haba tavat adre me mâdrâ so, adre me he ka todrö ka hnyi möt; ke haba tavat adre me ânyâ hulö, me adre me he ka tot ka hnyi hnaûhangö.

II. Peteru 1:17

Anyin ae hu but gan ûnyi ge Khong a Kamen hna ogânâ me hmanenang, waleji ame o kâu hwan hofuc ûnyi hnyi hmanenang ae nua, ame ha, ka habe, Walang Nokuk a oûnykûmik oge me senyin kâu: