Ioane 4:48 - Iaai Bible 1901 (New Caledonia)

⁴⁸ Haingö Iesu ame ha kâu, ka habe, Öbun e ne ca wâ ta je haten me ûöman, öbun e ca he bi ka labageju.

Ioane 4:48 ပူးပေါင်းရင်းမြစ်များ

Daniela 4:2

Oge me ûnykûme e so he ka omanenâ ta je haten me je ûnyi hnân lâiâ waleji a ânyâ könya Khong ae Beönua.

Daniela 6:27

e ame omelo, ke hûgûnâ, kʼ ame ânyâ je haten ke je ûnyi hnân lâiâ ethö hnyi drany, ke eang hmelen; at ame omeli Daniela ûnyi ge maniny je liona.

Numera 14:11

Ke Iehova ame ha kö Mose, ka habe, Ame he tavat eang ka hûkötiö nya ke ne o but kehö? adre me ca he ka labageju könya ke ne o but kehö, ge ta je ûöman hia waleji oge ânyâ unyidra?

Mataio 16:1

ME ame o but ta je Faresaio me Sadukaio, me adre me cubec e me sumâtâ he ka omanenâ ke haten ûnyi hnyi drany.

Mataio 24:24

Anyin ame he ka o je Keriso thoi, me je perofeta thoi, me adre me he ka omanenâ ta je haten ae gan, me ta je ûnyi hnân lâiâ, mʼ adre me he ka omono tavat adre me ûca a ne ca pason.

Mataio 27:42

E ame omelö keihen; ke haba e bi e ca khana bi he ka omelö e. E, Tuhan at Isaraela; e so e ame utut walang ang ûheny hnyi satauro, mʼ ate me he ka labageju kâu.

Mareko 13:22

anyin ame he ka o ta je Keriso thoi, me ta je perofeta thoi, ke adre me he ka omanenâ ta je haten me ta je ûnyi hnân lâiâ, mʼ adre me he ka omono tavat adre ûca, a ne ca pason.

Luka 10:18

E ame ha ködrin, ka habe, Oge me ö Satana ame utut ûheny hnyi drany helâ me hucuce.

Luka 16:31

Me haingen kâu, ka habe, Ödrin e ne ca ling Mose me je perofeta, me ödrin e ca he ka hmehmela e ka möt hmetu thö ke at ûnyi hnyi hna mok.

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 2:18

Me ame thu at Juda me ha kâu, ka habe, Ieû haten u me he ka omanenâ kohmun, a u me ânyâ ta je ûnyi e?

Ioane 20:29

Iesu ame ha kâu, ka habe, U me labageju anyin a u je ō nya: hnahic hnen tavat adre me labageju, kʼ adre me ca munyi wâ.

Ioane 4:49

Haingen taben kâu, ka habe, Than lö, he thö jem, e me tiga ca mok bi nokuk.

Ta je huliwa 14:3

Anyin a wale e beû hmâ hnödru hna laba eling me ha hwegiâ ge Than, ke e ame ohnathoâ hofucin anyin ibetengiö, kʼ ame hna kodra he ka ânyâ je haten me ûöman ge je hnyamödru.

Ta je huliwa 15:12

Me ame laba hnyibû but ûkhacaköu hia; me adre me vehling Banaba me Paulo ödru me ûthumetu ge je haten me je ûöman ame ânyâ Khong ûnyi gadru unyin Aten ta je hnyei.

Ta je huliwa 2:19

Ke oge me he ka omanenâ je ûöman ethö hnyi drany, Ke ta je haten eang hmeledrany; Wale dra, me meic, me hai ame sâ goranyai;

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

Ta je huliwa 2:43

Ke ame o but ot ka tavat hia: ke se hia ta je ûöman me haten ame ânyâ hnen je aposetolo.

Ta je huliwa 4:30

ke u je lau hnyamâm he ka osoâ; mʼ adre me he ka ânyâ ta je ûöman me ta je haten hnyi ien Atâm ae kap a Iesu.

Ta je huliwa 5:12

Ke se hia ta je haten me ûöman adre me ânyâ unyin tavat ge je hnyamen ta je aposetolo; ke ödrin e labö ûkhacaköu hia hnyi poretiko anyi Solomona.

Ta je huliwa 6:8

Ke haba Setefano, ae unöngöt ge ibe-tengiö baû me man, ame ânyâ je ûöman me haten ae gan hmâ unyin tavat.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Roma 15:19

hnen maniny ta je haten me ûöman, me man maniny Hanu Kap; wale a hwân hnyi Jerusalema igigilo ke ne o but hnyi Iluriko oge me khetâ ûthumetu ae so anyin Keriso;

I. Korinito 1:22

Haba at Juda, me wedra ta je haten, ke haba at Heleni adre me elâm metâ:

II. Korinito 12:12

E hnathu adre ânyâ unibun ta je haten aposetolo hnyi hokhnyok hia, hnyi je haten, me ûöman, me huliwa ae man.

II. Thesalonika. 2:9

haba ioiny me hoton huliwa anyi Satana, me man hia thithö, me ta je haten, me ta je ûöman ae thoi,

Heberu 2:4

ke ame munyi ohnatho mʼ ödra Khong ge ta je haten, me ta je ûöman, me ta je huliwa ae man ae ve bongon, me ta je bwihlany anyin Hanu Kap, helâ me weny.