Ioane 4:42 - Iaai Bible 1901 (New Caledonia)

⁴² mʼ ödrin e ha bi ka momo, ka habe, Ohmun e ca hake labageju thibi ûnyi ge hwâm hofuc; anyin a ohmun e hnyi long ut me wâ a wale thibi e At omelö hmeledrany.

Ioane 4:42 ပူးပေါင်းရင်းမြစ်များ

Isaia 45:22

Bwele ju jem könya mʼ adre me he ka omeli öbun, öbun hia thithö je can hmeledrany: anyin a inya thibi Khong ke ba minya ju ke at.

Isaia 52:10

A hia but Iehova vhec ûkhaûen benyin ae kap hnyi hnyimakan je hnyei hia; ke ame he je can hmeledrany hia ka wâ ûhomeli anyin Khonguta.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 11:17

Me ame o but Iesu, ke e ame wâ a vak ut bongon hnyin erkemok.

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 4:29

Ai öbun he ka hnyi wâ at ame hia but ha könya ta je ûnyi hia oge hia but ânyâ: hawa, ame ne e la Keriso?

Ioane 4:41

Ke ame labageju tavat ae se hia hmonyin ûnyi ge hofuc a hwan;

Ta je huliwa 13:23

Ke haba Khong ame hia but oâ ka at Isaraela ûnyi hnyi je mâtrâniny at eling At ûhomeli, a Iseu, helâ me hna ha bânâ gan;

Ta je huliwa 4:12

Ke ba ûhomeli ge ke at bi: anyin ae ba ke ien eang hmeledrany adre ham ka at, ae khana he ka omeli öta.

Ta je huliwa 5:31

E thibi at Khong ame ogöranyâ hnen hnyamen a metân hnân Than me At ûhomeli, me me he ka ham ka at Isaraela ietra, me hna thang ta je hulo.

II. Korinito 5:19

waleji, a e unyin Keriso bi Khong, ame öûsoköuâ hmeledrany më, kʼ ame ca ip hnödra je hna hanyâûâ kodra bi, ke ame ham kohmun hofucin ûsoköu.

I. Timoteo 4:10

Anyin a wale ate me huliwa me hwege, anyin ate me geju ka Khong ae möt, wale At ame omelö tavat hia thithö, ke beönua ka tavat labageju.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.