Ioane 4:23 - Iaai Bible 1901 (New Caledonia)

²³ Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ioane 4:23 ပူးပေါင်းရင်းမြစ်များ

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Salamo 147:11

Iehova ame senyin ka tavat adre me outen e, Tavat adre me gejon anyin ibetengiö.

Salamo 17:1

IEHOVA lö, long ju ûnyi ae wisa, hwio jem ka anyik tenge; Tevehlöng ju hijik hic, ame ca o ûnyi hnyi li esongot ae thoi.

Salamo 32:2

Hnahic hnen at wale Iehova ame ca ha anyin hulo, Ke ba iyawö hnyi banon.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Khumöng Hwanyi Solomona. 2:14

Biny a halek lö, u hnyi khekheiny kic, hnyi dok ae nedrong hnyi hwatapkolu, Iny na wâ ju hnyimâkâm, iny na long ju ifucâm; Anyin ae kese hwâm, ke hmanenang hnyimâkâm.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 29:13

Ke haingö Iehova, ka habe, Anyin ame hakekenyi nya tavat ang ge je hnyimödra me oganö nya ge je esongodidra, kʼ adre me oûsâkâûö mönya je hnyekudra, ke haba hnödra hna outö nya, me wale thibi hna nʼ ödra ge hna ûne hnen at:

Isaia 43:21

waleji tavat oge me op hobi könya bi, mʼ adre me he ka oganö nya.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Jeremia 3:10

Ke so bi, hnyi ta je ûnyi e hia, haba liamekeiny më, jia Juda at iyawo, ame ca hmetu könya me hnyekon ae bekhot, ke ame thoi, haingö Iehova.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Ezekiela 22:30

Ke oge me elâm gadra at he ka op hagik hak, me tot hnyi hnyi-makök hnyi dok ae khekhe hobi kâu hnyei, mʼ oge me ca he ka ohia e: ke ba bi at oge me wâ.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 12:23

Ke haba Iesu ame thu ködrin, ka habe, A o but awa he ka ogânâ Nokon at.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 16:32

Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 4:21

Iesu ame ha kâu, ka habe, Momo lö, labageju nya ju, a gʼ ame he ka o ûen öbun e ca he ka hmi ka Kamen hnyi bucen ang, ke ba minya bi hnyi Jerusalema.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:28

Ca lâiâ bi e, anyin ame he jem ûen a gʼ ame he tavat hnyi ta je erkemok ka long ifucin,

Roma 1:9

Kʼ ame ohnathu nya Khong, at oge me athnyabainy hnyi hanuk hnyi ûthumetu ae so anyin Nokon, a oge me ca menâ bi hai öbun hnyi hijik je hic hia,

Roma 8:15

Anyin a öbun e ca kap hanon hwenbâ mʼ öbun e he ka ot; ke so bi öbun e kap hanon hna wia me me lakon, wale mʼ ate me ha, ka habe, Aba, Cica.

Roma 8:26

Helâe minya ame hadruâ anyita sënyin hnen Hanu: anyin ae ca khanʼ öta wia bongon he ka hic; ke hnen Hanu hna sumat hobi köta hnyi mâng ae ca hnân ha bi;

Galatia 4:6

Ke can öbun je hing lakon, me Khong ame kunâ Hanon Nokon ka hnyi je hnyekubun, kʼ ame hongot, ka habe, Aba, Cica.

Efeso 6:18

ke labö hic bala ju öbun geʼ hic me sumat hia hnyi Hanu hnyi ta je ûen hia, me hmâkâ kâe hnen ûjöng hia, me sumat hnân hobi kâu wakap hia,

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Josua 24:14

Ke walang any ot ju kö Iehova, me bi athnyabainy ge hnyok me hnathu minya: ke degec ut je khong wale a athnyabainy lakamöbun hoton Wagewe me e Aigupito; ke bi athnyabai Iehova.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

I. Samuela 12:24

Ke hamöbun bi he ka outö Iehova, me bi athnyabainy hnyi hnathu me hnyekubun ae bekhöt: ke me ûnykûme thʼ öbun ta je ûnyi ae gan e ame hia but ânyâ hobi köbun.