Ioane 4:21 - Iaai Bible 1901 (New Caledonia)

²¹ Iesu ame ha kâu, ka habe, Momo lö, labageju nya ju, a gʼ ame he ka o ûen öbun e ca he ka hmi ka Kamen hnyi bucen ang, ke ba minya bi hnyi Jerusalema.

Ioane 4:21 ပူးပေါင်းရင်းမြစ်များ

Isaia 66:1

WALANG hna ha hnö Iehova, ka habe, Anyik theron drany, ke taben li hnyeûcak hmeledrany: ieû bongon uma öbun e he ka op hobi könya? ke ewa dok oge me he ka menâ hnyin?

Ezekiela 14:3

Nokon at lö, haba tavat ang me adre hia but odilâ anyidrin je idola ka hnyi je hnyekudra, me ip hnyi hnyimakodra anyidra hulo, at ame othöâ: hawa, e ûcû bi ödra he ka hnei nya?

Ezekiela 20:3

Nokon at lö, ha thö ka wahingatiny Isaraela, ka habe, Walang hna ha hnen Than Iehova, ka habe, Hawa, öbun e o but he ka hnei nya? Kia inya inya a öbun e ca he ka hnei nya, haingen Than Iehova.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Mataio 18:20

Anyin a haba dok ame ûkhacaköu hnyin li at a lo, ame ne kun, hnyi iök, me inya ling hnyi wanbödrin.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Luka 21:24

Ke adre me ke ka ta ge homakan hele vat, me he ka hom hwenbʼ ödra ka aten ta je hnyei: kʼ ame he ka uto Jerusalema hnen aten ta je hnyei, ke ne o but ame bekhöt ut ûen aten ta je hnyei.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Ioane 16:2

Adre me he ka obʼ öbun ûnyi hnyi ta je sunago: eke, ame he ka o ûen, a gʼ ame he at ka hlingʼ öbun, me ûnykûme a e ame bi aten Khong.

Ioane 16:32

Wâ bi, e hakekeny jut ûen, ke e but ang, mʼ adre me he ka ovesei öbun ka hnyi je hnyababun, ka hake inya thiju: ke ca hake inya bi, anyin a tha inya me Kamen.

Ioane 4:23

Ke ame he ka o ûen, ke wale but ang, a gʼ ame he ka he tavat adre me hmi hnathu ka hmi ka Kamen hnyi hanu me hnathu: anyin a Kamen ame elâm tavat helâe he ka hmi kâu.

Ioane 5:25

E hnathu, e hnathu inya oge me ha köbun, ka habe, ame he jem awa, ke walang ang, me ame he ka long ifucin Nokon Khong hnen tavat adre mokcu; ke haba tavat adre me long me adre me he ka möt.

Ioane 5:28

Ca lâiâ bi e, anyin ame he jem ûen a gʼ ame he tavat hnyi ta je erkemok ka long ifucin,

Ta je huliwa 6:14

anyin a ohmun e long ut, e ame ha, ka habe, Ame he Iesu at Nazareta ka ohia dok ang, me wia ta je hwakecin a ham köta Mose.

Efeso 2:18

ke hu but gata hia ûnyi gan gethen ka Kamen ûnyi ge Hanu a khaca.

Efeso 3:14

Anyin a wale inya oge me cibouca ka Kamen,

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.

I. Peteru 1:17

Ke öbun e ne hawâ Kamen, wale at ame ca wâhmakhmetoâ tavat, me at ame ve hnö tavat helâ me huliwa anyin ke at me ke at, awe, ot ju hnyi ûen öbun e tiga laba atkanyaua:

Hna Omanenâ 21:22

Ke ba uma kap oge me wâ e: anyin a Than a Khong Aekhanahia me Arenio uma kapiny.