Ioane 4:19 - Iaai Bible 1901 (New Caledonia)

¹⁹ Haingen momo kâu, ka habe, Than lö, oge wâ but a u perofeta.

Ioane 4:19 ပူးပေါင်းရင်းမြစ်များ

II. Je Than 5:26

Ke haingen kâu, ka habe, Hawa, ame ca he unyâm hnyekuk kʼ ame hwio thö at ûheny hon anyin kariota he ka ûkhanö möû? Hawa, e ûcû ûen ang he ka kap sileva, me je ûkhaû, me je hnyei elaio me vine, me je mamoe me bolok, me lathnyaba obaga me omomo?

II. Je Than 6:12

Haba ke athnyabainy ame ha, ka habe, Than a tuhok, e ba: ke so bi Elisaia perofeta hnyi Isaraela, ame labö thumeto than Isaraela ge ta je ûnyi u me ha hnyin hnyeulem mokut.

Mataio 21:11

Me ame ha tavat ae se hia, ka habe, Walang perofeta a Iesu ûheny Nazareta hnyi Galilaia.

Luka 24:19

Ke e ame ha ködru ka habe, Ie ta je ûnyi? Haingödru ödru me ha kâu, ka habe, Ga Iesu at Nazareta wale perofeta ae man hnyi huliwa me hofuc, hnyi hnyimakan Khong me tavat hia thithö:

Luka 7:16

Me ame o kodra hia ot ae gan hmâ: ke adre me ogânâ Khong, me ha, ka habe, A o but ang unyita perofeta ae gan hmâ: ke, Khong ame senâ lakeiny.

Luka 7:39

Ke a wâ but Faresaio at a hawâ e, me e ame ha eû hnyi hnyekon, ka habe, Haba at ang, a ne perofeta, me e khana but bongon momo ang me hwakecin at ame kâlâ e, anyin a e momo ae kong.

Ioane 4:18

anyin a ödrin thabûng ehac lâiâm, ke haba at u me tha laba mē walang, me ca âiâm bi: waleling, e me hnathu hnâm hna ha.

Ioane 4:29

Ai öbun he ka hnyi wâ at ame hia but ha könya ta je ûnyi hia oge hia but ânyâ: hawa, ame ne e la Keriso?

Ioane 6:14

A wâ but hnen tavat ûöman a ânyâ, me adre me ha, ka habe, E hnathu, walang perofeta adre me ha a gʼ ame he ka utut ka hnyi hmeledrany.

Ioane 7:40

Haba keihen tavat ae se hia, hnyi ûen adre me long ta je hofuc e, me haingödrin, ka habe, E hnathu, perofeta at ang.

Ioane 9:17

Me adre me ha hmetu ka at ae wadröu, ka habe, Ieû hwâm gan, anyin a e ame obwela li emâkâm? Haingen, ka habe, E perofeta.

Deuteronomi 18:15

Ke ame he Iehova Khongom ka oâ köu perofeta ae ûcû mönya ûheny unyâm a ûnyi ge je liamekeiny mou; mʼ öbun e he ka löng kâu;