Ioane 4:15 - Iaai Bible 1901 (New Caledonia)

¹⁵ Haba momo ame ha kâu, ka habe, Than lö, ham but könya an e, mʼ inye ca beic hmetu, mʼ inye ca hmetu jem kââng he ka se köiö.

Ioane 4:15 ပူးပေါင်းရင်းမြစ်များ

Salamo 4:6

E hu tavat ae se hia adre me ha, ka habe, Ie at ame he ka omanenâ köta so? Iehova lö, ogöranyâ thö humun melaminy hnyimâkâm.

Ioane 4:16

Haingö Iesu kâu, ka habe, He thö ka hawâ jem âiâm.

Ioane 6:26

Haba Iesu ame thu ködra, ka habe, E hnathu, e hnathu inya oge me ha köbun, öbun e ca elöm nya anyin öbun e wâ ta je ûöman, ke anyin bi öbun e han areto me ame sekubun dö.

Ioane 6:34

Haingödra kâu, ka habe, Than lö, ham bala ju kohmun areto e.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Roma 6:23

Anyin a haba hwaban hulö, me mok; ke haba bwihlany a ham bâûâ hnen Khong, me möt ame ca ba balua, ûnyi ga Iesu Keriso a Tuhöta.

Roma 8:5

Anyin a haba tavat adre me hnu hoton unyin adre me hnyokâ ta je ûnyi hnyi unyin; ke haba tavat adre me hnu hoton hanu adre me hnyok ka ta je ûnyi anyin hanu.

I. Korinito 2:14

Ke haba aten unyin ame ca kap ta je ûnyi anyin Hanon Khong: anyin a hwen monu e kâu; ke e ca khana he ka wâhmakhmetoâ e, anyin adre me wâ ûnykûme hnen hanu.

Iakobo 4:3

Öbun e sumâtâ ke ca hu bi anyin öbun e sumâtâ monoâ, möbun e he ka oumo ta je ûnyi e hnyi ta je webun ae kong.

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.