Ioane 4:10 - Iaai Bible 1901 (New Caledonia)

¹⁰ Haba Iesu ame thu me ha ka momo, ka habe, A ne manen köu bwihlany anyin Khong, me at ame ha köu, Habelik; me u je he ka sumâtâ gan, me e ame he ka ham köu köien möt.

Ioane 4:10 ပူးပေါင်းရင်းမြစ်များ

Salamo 10:17

Iehova lö, u je hia but löng weny tavat ae hnyikânâ: U me he ka otilâ hmâ je hnyekudra, u me he ka tevehlöng:

Salamo 46:4

E hu wagewe, kʼ ame osenyinâ taun anyin Khong ge je wadutö a ûnyi gan, Wale dok ae kap a hnen je uma mano umen Beönua.

Esodo 17:6

Wâ bi oge me be ka tot hnyi hnyimâkâm wale hon bân kic hnyi Horeba; ke u me he ka kot kic me me hingölö but köiö ûnyi hnyin. Ke haba Mose ame ânyâ e hnyi hnyimakan wahingatiny at Isaraela.

Khumöng Hwanyi Solomona. 4:15

Pupuainy taun, Pupuainy köiö möt, Ke je di ûnyi Lebanona.

Isaia 12:3

Anyin a wale öbun e he ka se köiö me senyin ûnyi hnyi je pupuainy möt.

Isaia 35:6

Me ame he ka gâ tavat ae kong cadra helâ me aila, kʼ ame he bi ka khumöng bohmen at ae hum: anyin ame he ka patrutrua köiö hnyi hnyebuba, me je wagewe hnyi dok ae hnyei baga.

Isaia 42:6

haba inya Iehova, oge hia but hawo u hnyi wisa, ke oge me he ka kât benyâm, me tuö u, me hnö u hnân I ûhihinyköu me tavat hnân melaminy ta je Ethen;

Isaia 43:20

Ke ame he ka oganö nya hnen je menoiny hnyot, je luko me je iaena: anyin oge me oâ köiö hnyi hnyebuba, me je wagewe hnyi dok ae hnyei baga, he ka habelen lakeik waleji oge ûca:

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 49:10

Adre me ca he ka mekihnânem me beic; ke ame ca he ka li ödra kahwa, me seûno: anyin ame he at a betenge gadra ka hum ödra, me su ödra ka hnyi an ame pupua.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Ezekiela 16:35

Anyin a wale, momo hnyi gethen lö, long je hofuc ho Iehova:

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Zakaria 14:8

Ke haba hnyi bong eling ame he ka di köiö möt ûheny Jerusalema; ame he ka di hanen ka hnyi köiö e deiö, ke ke hanen ka hnyi köiö e jio: ame he ka e bi hnyi honivakeny me hnyeun.

Luka 11:13

Anyin a wale, a ne mabun tavat ae monu he ka wâhmakhmetoâ hna he ka ham ta je ûnyi ae so ka lakubun, awe, ame ca he bi Kamöbun ethö hnyi drany ka ham Hanu Kap ka tavat adre me sumâtâ e?

Ioane 16:3

Ke adre me he ka ânyâ ta je ûnyi e anyin ae ca khanʼ ödra inya me Kamen.

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 3:16

Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 4:14

ke haba at ame he ka ijem an oge me he ka ham, me ame ca he hmetu bi ka beic nyiele balua; ke haba köiö oge me he ka ham kâu me ame he ka eû hnyi hnyekon wale an ame pupua ka hnyi möt ame ca ba balua.

Ioane 6:35

Me haingö Iesu ködra, ka habe, Inya ang aretoiny möt: haba at ame he ka o könya, me ame ca he hmetu ka mekihnânem, ke haba at ame he ka labageju könya, me ame ca he hmetu ka beic.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ta je huliwa 9:11

Ke haingen Than kâu, ka habe, Todrö, he thö ka hnyi getheniny taun, Wisa ien, me hnö hnyi uma umo Juda ge ke at a ien Saulo, at Taraso: anyin a wâ bi, e ame hic;

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

I. Korinito 10:4

ke ödra hia adre me tha ijem belen hanu: anyin adre me ic ûnyi hnyi kiciny hanu ame ûhnûhnû: haba kic eling, me Keriso.

II. Korinito 9:15

Ole ka Khong ge anyin bwihlany ae ca khanʼ öta ha hia.

Efeso 2:8

anyin adre hia but omeli öbun hnen ibetengiö baû a deny labageju; ke habe e, me ca ûnyi gabun: ke bwihlany anyin Khong:

Heberu 6:4

Ke haba tavat adre bân ka omelamâ, waleji adre me drem cubecâ bwihlany ûnyi hnyi drany, me hnyi kap Hanu Kap,

I. Ioane 5:20

Ke e khanʼ öta a gʼ ame hia but o Nokon Khong, ke a hia but ham köta hna wâhmakhmeto, me me khanʼ öta e at ae hnathu, ke öta but eû hnyi hnyekon at ae hnathu, wale eû hnyi hnyekon Nokon a Iesu Keriso. Wale Khong ae hnathu, me möt ame ca ba balua.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

Hna Omanenâ 7:17

anyin ame he Arenio ka hat ödra, waleji a e hnyi wanben theron, ke e ame he ka lili ödra ka hnyi köiöiny möt ame pupua: ke ame be Khong ka kot degecâ ta je deköiö hia ûnyi hnyi ta je emaködra.