Ioane 3:32 - Iaai Bible 1901 (New Caledonia)

³² Ke e ame ohnathoâ ûnyi e ame wâ me long; ke ba at ame kap hnen hna ohnathoâ.

Ioane 3:32 ပူးပေါင်းရင်းမြစ်များ

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 53:1

IE at a kap anyihmun ûthumetu? kʼ adre hia but omanenâ kö ia benyi Iehova?

Mataio 7:8

anyin ame he ka hu ka tavat hia adre me sumâtâ; kʼ ame wâ hnen at ame elâm; kʼ adre me khong ka at ame seseto.

Ioane 1:11

E ame o but ka hnyi hing hwajekhon, kʼ ame ca kap e hnen lakeiny.

Ioane 15:15

Oge me ca ha hmetu, ka habe, lathnyaba; anyin ae ca khana athnyaba ûnyi a ânyâ tuhan: ke oge me hai öbun a lahanök; anyin a haba ta je ûnyi hia oge me löng ûnyi ga Cica, mʼ oge hia but omanenâ köbun.

Ioane 18:37

Me Pilato ame ha kâu, ka habe, Hawa gam, u than? Iesu ame ha, ka habe, U me ha e, a iny than. Adre hnöku nya hobi kâu e, ke oge o but eang hmeledrany hobi kâu e, me inye he ka ohnathoâ hnathu. Haba ta je aten hnathu hia, adre me long ifucik.

Ioane 3:11

E hnathu, e hnathu, ohmun e ha hnö-hmun hna wâhmakhmeto, me ha hnathoâ hnöhmun hna wâ; ke öbun e ca kap hnöhmun hna ohnathoâ.

Ioane 3:26

Ke ödrin e he but kö Ioane me ha kâu, ka habe, Rabi, haba at ame tha tot möu hnyi ke keihen hoton Joridano, waleji at u me ohnatho, wâ bi, haba at eling ame bapataiso, ke ame ok ut kâu tavat hia thithö.

Ioane 3:33

Ke haba at ame kap hnen hna ohnatho, me wale at ame bi haten a e hnathu Khong.

Ioane 5:20

Anyin a kamen ame hnyokâ Nokon, me omanenâ kâu ta je ûnyi hia e ame ânyâ: ke e ame he ka omanenâ kâu ta je huliwa ae gan hon e, mʼ öbun e he ka lâiâ.

Ioane 8:26

E ha gak ta je ûnyi ae se he ka ha köbun me he ka owisa: ke so bi e hnathu e at a kunö nya; ke haba je hofuc a hwan oge me long me inya oge me ha e ka hmeledrany.