Ioane 3:21 - Iaai Bible 1901 (New Caledonia)

²¹ Ke haba at ame mâdrâ hnathu, e ame he ka hnyi melam, me me manen dut anyin ta je huliwa, a gʼ ame mâdrâ ûnyi ge Khong.

Ioane 3:21 ပူးပေါင်းရင်းမြစ်များ

Salamo 119:105

Haba hwâm hofuc, me, lamepainy li cak, Me melaminy dek gethen.

Salamo 119:80

E so e ba hnyikongon hnyekuk hnyi ânyâm ta je hnanyibu; Me inye ca he ka hmehma.

Isaia 26:12

Iehova lö, u me he ka otilâ ûsoköu hobi kohmun: anyin a u je hia but ânyâ hobi kohmun anyihmun ta je huliwa hia thithö.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Ioane 1:47

Haba Iesu ame ö Nathaniela ame he kâu, me e ame ha gan, ka habe, Wâ bi at Isaraela ae hnathu, e ba tang iyawâ gan!

Ioane 3:20

Anyin ame hûkö-tiâ melam hnen at ame mâdrâ monu, kʼ ame ca he bi thö ka hnyi melam, wâ e nye manen dut anyin ta je huliwa.

Ioane 5:39

Öbun a elâm hnyi je hna sihnalimen, anyin a öbun e ûnykûme ae hu but gabun möt eling ame ca ba balua; ke wale bi e at ame ohnathu nya;

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

I. Korinito 15:10

Ke haba inye helâng, me ûnyi ge ibetengiö baû anyin Khong: ke ca ûnyi baû bi anyin ibetengiö baû e ame omanenâ könya: ke nua anyik huliwa hon hnyat hia: ke ca ka ûnyi gak, ke so bi ûnyi ge ibetengiö baû anyin Khong wale a ham könya.

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Galatia 6:8

Ke haba at ame tä ka hnyi hing unyin bi, me e ame he ka meno hna bobot ûnyi hnyi unyin; ke haba at ame tä ka hnyi Hanu, me e ame he ka meno möt ame ca ba balua ûnyi hnyi Hanu.

Efeso 5:9

(anyin a haba wan melam, hwakecin ae so hia, ke hwakecin ae wisa me hnathu),

Filipi 1:11

mʼ öbun e unöngöt ge je wan hwakecin ae wisa ûnyi ga Iesu Keriso, hnân ogânâ me haisoâ Khong.

Filipi 2:13

anyin a Khong ame huliwan je hnyekubun he ka weny me ânyâ, hoton weny ae so.

Kolose 1:29

ke wale hnok minya hna huliwa ka hnyin, kʼ oge me ûjöng hmonyin hoton anyin huliwa, wale ame hwege huliwa eû hnyi hnyik.

Heberu 13:21

e so e ame he ka wia wisai öbun hnyi ta je huliwa ae so he ka ânyâ weny, me huliwa eû hnyita, ûnyi hnân kû senyin hnyi hnyimakan, a deny Iesu Keriso; e so e unyin hmanenang nyiele nyiele balua. Amen.

I. Peteru 1:22

Öbun e hia but okâlâotâ je hnyekubun hnyi hnobun hna löng hoton hnathu ke ne o but ka hnyi ibetengiö ae ba thoi hnyin ka hnyat me lakeiny, anyin a wale ibetengiököu ju öbun ge hnyok ae ba hnyikongon:

I. Ioane 1:6

Ate ne ha, ka habe, otin e tha laba më, kʼ ate me vheno bi hnyi lit, awe, ate me thoi, kʼ ate me ca ânyâ hnathu:

III. Ioane 1:11

Oûnykûmik lö, ca hnu hoton ûnyi ae kong, ke so bi ûnyi ae so. Ûnyi ge Khong at ame ânyâ so: haba at ame mâdrâ monu, me e ame ca wâ Khong.

Hna Omanenâ 3:15

E khanö nya ânyâm ta je huliwa, a u ca katebu bi me ca kahwa minya bi: u na katebu ju, a ne kahwa minya bi.