Ioane 3:2 - Iaai Bible 1901 (New Caledonia)

² ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 3:2 ပူးပေါင်းရင်းမြစ်များ

I. Je Than 17:24

Ke haingen momo kö Elia, ka habe, Walang e khanö nya a u aten Khong, ke e hnathu hofuc ho Iehova hnyi hnyimâm.

Isaia 51:7

Ling nya ju öbun tavat ae khanʼ öbun wisa, tavat ae hu anyik hnanyibu eû hnyi hnyekudra; ca he ju öbun ka outen hna haikongu öbun ge at, ke ca gāubun ge hnödra hna hlumʼ öbun.

Jeremia 38:16

Me Zedekia than ame khemanyin duöng kö Jeremia me ha, ka habe, Kia inya Iehova, at a up otu a oge me ca he ka hlingö u, me hnö u ka hnyi hnyamen tavat ang adre me elâm he ka hlingö u.

Mataio 22:16

Me adre me kunâ kâu latödrin, ke je Herodiane minya, me ha, ka habe, At ûne lö, e khanʼ ohmun dut a u at ae hnathu, a at ame ûnö hnatho gethen deny Khong, ke u me ca outen at, anyin a u me ca ûnykûme bi hnyimakan at.

Mataio 23:7

me he ka nom ködrin hnyi ta je hna ûcû, me he ka haiʼ ödrin, ka habe, Rabi.

Mataio 23:8

Ke haba öbun, ca he ka hawʼ öbun, ka habe, Kabi: anyin a khaca thibi at ûne köbun, ke öbun ka liamekeiny hia.

Mareko 12:14

Ke ödrin e o but, me haingödrin kâu, ka habe, At ûne lö, e khanʼ ohmun dut a u at ae hnathu, ke u me ca outen at: anyin a u me ca ûnykûme hnyimakan at, ke u at ame nâ hnatho gethen deny Khong; hawa, e ûcû he ka fat kö Kaisara, hawa, hna ju?

Ioane 1:38

Haba Iesu ame hwio thö me ö dru ödru me he hoton, me e ame ha ködru, ka habe, Ieû öbu me elâm? Haingödru kâu, ka habe, Kabi (bongon At ûne), ewa dok u ma laba hnyin?

Ioane 10:38

Ke o ge ne mâdrâ, eja ke ne öbun e ca köp nya, kap bi thʼ öbun ta je huliwa: mʼ öbun e he ka wâhmakhmeto me wâ ûnykûme a gʼ ame laba Kamen eû hnyik, ke inya eû hnyin Kamen.

Ioane 12:37

Ke so bi, eja ke ne a ne ânyâ ta je ûöman ae se hia hnyi hnyimakodra, adre me ca labageju kâu:

Ioane 14:10

Hawa, u me ca ûnykûme bi a inya eû hnyi hnyin Kamen, ke Kamen eû hnyi hnyik? haba ta je hofuc wale oge me ha köbun, me o ge me ca ha thiju a ka ûnyi gak: ke haba Kamen at ame laba eû hnyik e ame ânyâ anyin ta je huliwa.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 20:16

Iesu ame ha kâu, ka habe. Maria. E ame hwio thö me ha kâu, a hwen Heberu, ka habe, Raboni; walang bongon, At ûne.

Ioane 3:26

Ke ödrin e he but kö Ioane me ha kâu, ka habe, Rabi, haba at ame tha tot möu hnyi ke keihen hoton Joridano, waleji at u me ohnatho, wâ bi, haba at eling ame bapataiso, ke ame ok ut kâu tavat hia thithö.

Ioane 4:31

Kʼ ödra tiga bec, me ame ûjengö e laten, ka habe, Kabi, ö u mē han dö.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 6:2

Haba tavat ae se hia adre me he hoton, anyin adre me wâ ta je ûöman e ame ânyâ ka tavat a ödra mok.

Ioane 7:31

Ke ödra se hia adre me labageju kâu; me ödrin e ha, ka habe, E ka o but Keriso, hawa, e ame he ka ânyâ ta je ûöman hon hna ânyâ hnen at ang.

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 2:22

At Isaraela lö, long ju öbun hofuc ang: Haba Iesu at Nazareta, at a ohnathoâ köbun hnen Khong ge je huliwa ae gan me je ûöman me je haten, waleji hnen Khong hna ânyâ ûnyi gan hnyi wanböbun, ke manen e köbun;

Filipi 1:14

ke haba hna cö nya, me ame ha hwegiâ je hnyat me lakeiny ae se hia unyin Than, mʼ adre me hwege hmonyin he ka ha hofuc hwan Khong me ca ot.

Owisa 6:27

Ke Gideona ame hom hnyat a ten ûnyi hnyi lathnyabainy, me ânyâ helâ me Iehova ame ha kâu: ke e ame outen lap anyin kamen, me tavat a aten taun, me me ca khana he ka ânyâ e hnyi lany, ke e ame ânyâ bi hnyi lit.