Ioane 3:19 - Iaai Bible 1901 (New Caledonia)

¹⁹ Ke walang hnaûhango, a ga o but melam ka hnyi hmeledrany, ke weny bi tavat menekholom hon melam; anyin ae kong ut hwakecidra.

Ioane 3:19 ပူးပေါင်းရင်းမြစ်များ

Ta je Vejec 2:13

Tavat adre me hna degecâ je gethen deny wisa, Me vheno bi je gethen deny menekholom;

Jeremia 9:6

E bi, hnyabam hnyi wanben iyawo; can iyawo ödra höcö he ka wâhmakhmetu nya, haingö Iehova.

Levitiko 11:16

me iaena, me taemasa, me sahafe, me dring, hoton je ve bongon:

Levitiko 13:10

ke hamen at bihut he ka wâ, ke wâ bi, a ne hau dok ae khibi hnyi unen, ke hûen dut je leûnen, ke ame ne hu utiö ae hât hnyi dok ae khibi,

Zakaria 14:19

Wale konginy Aigupito me konginy je hnyei hia tavat adre me ca hnyi he me tuö bijeûiny uma mano.

Luka 12:47

Ke haba athnyaba wale ame wâhmakhmetoâ weny tuhan, kʼ ame ca penapena bi, kʼ ame ca ânyâ ûnyi ae ûcû me weny, me adre me he ka osehia kot;

Luka 16:14

A long ut ta je ûnyi e ta je Faresaio, vat ae behnyekudra omjeû; me adre me hiâ e.

Ioane 1:4

E hu möt unyin; ke haba möt, me melaminy at.

Ioane 1:5

Ke ame umumelam melam hnyi lit; kʼ ame ca kap bi e hnen lit.

Ioane 12:31

Adre me he walang ang ka owisa hmeledrany: ke adre me he walang ang ka obâ tuhan hmeledrany ang.

Ioane 12:43

anyin ae nua wedra a gʼ ame he ka ogânʼ ödra hnen tavat, hon wedra a gʼ ame he ka ogânʼ ödra hnen Khong.

Ioane 12:46

Inya oge me o mʼ inya melaminy hmeledrany, me me ca laba hnyi lit at ame labageju könya.

Ioane 5:44

Öhun e he ka kâmâu he ka labageju, öbun hnyat ûkapköuâ hnân ogânâ ûnyi gabun bi, ke ca elâm bi hnân ogânâ ûnyi ge Khong a khaca thibi?

Ioane 7:17

A ne weny ke at he ka mâdrâ weny, e ame he ka wâhmakhmetoâ hna ûne, a ne ûnyi ge Khong, oge ne ha ka ûnyi bi gak.

Ioane 7:7

E ca khana bi hmeledrany he ka hûköti öbun; ke so bi ame hûkötiö nya, anyin a oge me ohnathoâ ae kong ta je huliwainy.

Ioane 8:12

Iesu ame ha hmetu ködra, ka habe, Inya ang melaminy hmeledrany: haba at ame he ka he hotuk, e ame ca he ka he hnyi menekholom, kʼ ame he bi ka hu melaminy möt.

Ioane 9:5

Hnyi ûen a inya ang hmeledrany, inya ang melaminy hmeledrany.

Roma 1:32

ke khanʼ ödra hna hûna hnen Khong, a e ûcû kodra he ka mok, ödra ka ânyâ ta je ûnyi e, ke adre me mâdrâ ta je ûnyi eling, kʼ adre me ogʼ ödra minya bi tavat adre me ânyâ.

Roma 2:8

ke hmonyin me wathethot ka tavat adre me hûkötö, me tavat adre me ca long bi hnathu, ke adre me long hoton hwakecin ae ca wisa,

II. Thesalonika. 2:12

mʼ adre me he ka bi hwaban kodra hia thithö, tavat adre me ca hnyi kap hnathu, ke adre me senyin bala bi ka hnyi hwakecin ae ca wisa.

I. Peteru 2:8

me Veto hnân othoâ, me kic hnân öüo; anyin adre me thö thö hnyi hofuc, anyin adre me ca labageju: ke adre me ip ödra hnân ûnyi eling.

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,