Ioane 3:17 - Iaai Bible 1901 (New Caledonia)

¹⁷ Anyin a ca kunâ bi Khong Nokon ka hnyi hmeledrany he ka ohnaûhangoâ hmeledrany; ke so bi he ka omelö hmeledrany a deny e.

Ioane 3:17 ပူးပေါင်းရင်းမြစ်များ

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 1:23

Wâ bi, ame he hlu ka erkin, me hnokoâ da, Kʼ adre me he ka hwenyi ien Emanuela; walang bongon, E but unyita Khong.

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Luka 19:10

Anyin a o but Nokon at he ka elâm, me omelö wahia.

Luka 9:56

Me ödrin e he but ka hnyi ke taun.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 10:36

öbun e ha gan, wale hnen Kamen hna okabâ, me kunâ ka hnyi hmeledrany, ka habe, U me bi gan; anyin oge me ha, ka habe, Inya ang Nokon Khong?

Ioane 11:42

Ke e khanö nya a u me ling nya bala: ke oge me ha anyin a ödra se adre me tot igigili nya, mʼ adre me he ka kap a u je kunö nya.

Ioane 17:18

U je kunö nya ka hnyi hmeledrany, helâe minya oge me kun Ödrin ka hnyi hmeledrany.

Ioane 17:21

mʼ adre me be bi hia thithö ka khaca thibi; helâ me u Cica eû hnyi hnyik, ke inya minya bi eû hnyi hnyâm, me me tha ödra mʼ ötu: me me labageju hmeledrany a u je kunö nya.

Ioane 17:23

inya eû hnyi hnyidra, ke u eû hnyi hnyik, me adre me he ka khaca thibi hmonyin bi: me me he hmeledrany ka wâhmakhmetoâ a u je kunö nya, me u je hnyok kodra, helâji me hnâm hna hnyok könya.

Ioane 17:25

Kamen ae wisa lö, e ca khana hmeledrany u, ke haba inya, me khanö nya u; ke haba hnyat ang, me khanʼ ödrin a u je kunö nya;

Ioane 17:3

Ke walang möt ame ca ba balua, a gʼ adre me he ka wâhmakhmetu u Khong hnathu a khaca thibi, me at u je kunâ, wale Iesu Keriso.

Ioane 17:8

anyin oge ham ködrin ta je hofuc u je ham könya; ke ödrin e hia but kap, ke e khanʼ ödrin wia but a oge o but ûnyi gam, ke ödrin e labagejon hnâm hna kunö nya.

Ioane 20:21

Me Iesu ame ha hmetu ködrin, ka habe, Hnahic köbun: inya oge me kunʼ öbun helâ me Kamen ame kunö nya.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 5:38

Ke ca e bi eû hnyi je hnyekubun hwan hofuc: anyin a öbun e ca labageju bi ka hnen hna kunâ.

Ioane 5:45

Ca ûnykûme öbun a oge me he ka hai öbun ka Kamök: e hu bi ke at ame he ka hai öbun wale Mose, at öbun e labageju kâu.

Ioane 6:29

Iesu ame thu ködra, ka habe, Walang huliwa anyin Khong, ka habe, öbun e he ka labageju ka at a kunâ.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Ioane 6:57

Haba Kamen ae möt ame kunö nya, ke inya oge möt ûnyi ge Kamen; ke helâe ge at ame he ka han unyik, e ame he ka möt ûnyi gak.

Ioane 7:29

E khanö nya e, anyin a ûhek unyin, ke e a kunö nya.

Ioane 8:11

Haba momo ame ha, ka habe, Than lö, e ba. Haba Iesu ame ha, ka habe, Oge me ca he minya inya ka ha hnaûhangöi u: he thö; ca mâdrâ hmetu monu hwân ûen eang.

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

I. Ioane 4:14

Ke öhmun e hia but wâ me ohnatho, a ga kunâ Nokon hnen Kamen he ka omelö hmeledrany.