Ioane 3:16 - Iaai Bible 1901 (New Caledonia)

¹⁶ Anyin a Khong ame betenge ge hmeledrany, me e ame ham but Nokon a khaca thibi, me me ca he ka mok ke at ge tavat adre me labageju kâu, ke ame he bi ka hu möt ame ca ba balua.

Ioane 3:16 ပူးပေါင်းရင်းမြစ်များ

Genese 22:12

Me e ame ha, ka habe, Ca ip hnyamâm hon da, ke ca ânyâ ke ûnyi kâu: anyin a oge wâ but walang ang a u me outen Khong, anyin a u je ca behânâ gak nokom, wale nokom a khaca.

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

Mareko 12:6

Ke tiga e bi unyin nokon a oûnykûminy, me e ame kunâ minya but kodra hnyi obiny, haingen, Adre me he ka ogânâ nokuk.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 1:14

Adre me bi unyin Logo bi, kʼ ame laba unyita (ke ohmun e wâ but anyin hmanenang, wale helâke me hmanenanginy Nokon a khaca a hnokoâ hnen Kamen), a unöngöt do ge ibetengiö bâu me hnathu.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 10:28

ke oge me ham ködra möt ame ca ba balua; ke adre me ca he ka mok nyiele balua, ke ba ke at ame he ka hûgûnʼ ödra ûnyi hnyi hnyamok.

Ioane 3:15

me me he ka hu ûnyi gan möt ame ca ba balua ka tavat hia adre me labageju.

Ioane 3:18

Adre me ca ohnaûhangoâ at ame labageju kâu: kʼ adre hia but ohnaûhangoâ walang ang at ame ca labageju, anyin a e ame ca hia but labageju ka ien Nokon Khong a khaca.

Ioane 3:36

Haba at ame labageju ka Nokon, me hu but kâu möt ame ca ba balua; ke haba at ame ca long hoton Nokon, me ame ca he ka wâ möt, kʼ ame he ka takoû e hnen hmonyin anyin Khong.

Ioane 6:40

Ke walang weny Kamök, a gʼ ame he ka hu möt ame ca ba balua ka tavat hia adre me wâ Nokon, me labageju kâu; me oge me he bi nya ka otilʼ ödra hnyi bong a obiny.

Roma 5:10

Anyin a ne ûsoköu öta me Khong ûnyi ge mok anyin Nokon, waleji kʼ öta tiga iwahnaihmiony, me e gan hmâ hna he ka omeli öta hnen anyin möt, kʼ ate me ûsoköu më.

Roma 5:8

Ke Khong ame omanenâ kötâ anyin ibetengiö, anyin ame mok Keriso me hnân hwabʼ öta ke öta tiga monu.

Roma 8:32

Hawa, ame ca he ka ham bâûâ köta ta je unyi hia, hnen at ame ca behânâ Nokon, kʼ ame hna but e hobi köta hia?

Efeso 2:4

ke haba Khong at ae tren ibetengiö ae gan hmâ, ke ûnyi hnyi ûganiny anyin ibetengiö köta,

II. Thesalonika. 2:16

Ke hanymen Tuhöta Iesu Keriso, me Khong a Kamöta at ame betenge gata me ham köta hnahic ame ca ba balua me geju ae so hnyi ibetengiö baû,

Tito 3:4

Ke ame manen dut hwakecin ae betenge anyin Khong At ame omeli öta, me anyin ibetengiö ka tavat,

Heberu 2:9

Ke ate me ō Iesu, at adre hia but wia e me omi ûhnyûkong hmelen ta je angela, kʼ adre me obicâ ge hmanenang me hna ogânâ, anyin a e ame hom vecin mok, me me vheno mok hobi kâu tavat hia thithö hnen ibetengiö bâu anyin Khong.

I. Ioane 3:1

WA bi ûganiny ibetengiö waleji a ham köta Kamen, mʼ adre me he ka haʼ öta me je lakon Khong: ke öta e. Waleling me me ca khanʼ öta hnen hmeledrany, anyin ae ca khanʼ ödra e bi.

I. Ioane 4:19

Ate me betenge, anyin a e ame bân ka betenge gata.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;