Ioane 3:13 - Iaai Bible 1901 (New Caledonia)

¹³ E ba at ame hia but ölö hnyi drany ai ke so thibi at ame utut ûheny hnyi drany, wale Nokon at a e hnyi drany.

Ioane 3:13 ပူးပေါင်းရင်းမြစ်များ

Ta je Vejec 30:4

Ie at ame ölö hnyi dranyai me ut hmetu but? Ie at ame ûkhöûnâ ang hnyi li hnyamen? Ie at ame lan köiö hnyi ûkhaûen? Ie at ame otilâ hia je can hmeledrany? Ia ien ke ia ien nokon ame ne khanö u?

Mataio 28:20

ke nʼ ödra thö he ka vheno ta je ûnyi hia thithö waleji oge me hûna köbun: ke wâ bi, inya oge me tha e möbun hnyi ta je bong hia thithö ke ne o but ka hnyi obiny hmeledrany.

Mataio 8:20

Ke haba Iesu ame ha kâu, ka habe, Haba ta je alope, me hu hnödra hnyi kânâ, ke haba ta je meno ame ga ethö, me hu haûödra; ke haba bi Nokon at, me ba hnân omokulec ban hnyin.

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 13:3

ke a wâ but Iesu a gʼ ame hia but hna ta je ûnyi hia ka hnyi hnyamen hnen Kamen, ke ûheny unyin Khong, kʼ ame he ka hmetu ka Khong,

Ioane 17:5

Ke walang ang, Cica lö, oganö nya thö tha inya möu ge hmanenangitu kâû adrem ke tiga hia bi hmeledrany.

Ioane 3:12

Oge hia but ha köbun ta je ûnyi eang hmeledrany, ke öbun e ca labageju bi, awe, öbun e lie ka kâmâu he ka labageju oge ne he bi ka ha köbun ta je ûnyi ethö hnyi drany?

Ioane 3:31

Haba at ûheny thö, me e thibi hon ta je ûnyi hia: ke haba at ûheny hmeledrany, me at hmeledrany bi e, kʼ ame ûhnenamö hmeledrany: haba at ûheny thö, me e thibi hon ta je ûnyi hia.

Ioane 6:33

Anyin a areto anyin Khong, me wale at ame utut ûnyi hnyi drany, kʼ ame ham möt ka hmeledrany.

Ioane 6:38

Anyin oge me ca utut ûhek hnyi drany he ka mâdrâ wek, ke so i bi weny at a kunö nya.

Ioane 6:42

Haingödra, ka habe, Hawa, ca Iesu e, nöku Josefa, ke khanʼ ota kamen me hinyen? a hawa hofuc e ame ha, ka habe, Ogo me utut ûhek hnyi drany?

Ioane 6:46

E ba at ame wâ Kamen, ke so thibi at a ûnyi ge Khong, e ame wâ Kamen.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

Ioane 6:62

Ame ne he ka hawa öbun ka he ka wâ Nokon at ame ölö ka hnyi hnen bi ehac?

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

Ta je huliwa 2:34

Anyin a ca ölö ka hnyi drany Davita: ke e ame ha, ka habe Haingen Than ka Tuhok, ka habe, Laba ju hnyi ke keihen a metök,

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Roma 10:6

Ke haba hwakecin ae wisa ûnyi hnyi labageju ame ha helâng, ka habe, ca ha bi eû hnyi hnyekom, ka habe, Ie at ame he ka ölö hnyidranyai? (wale he ka hum Keriso but:)

I. Korinito 15:47

Ûnyi eang hmeledrany at a bân, aten kânâ: ke ûheny hnyi drany at a loiny.

Efeso 1:23

wale unyin, a anyin unöngöt, at ame öunöngötâ hia ge ta je ûnyi hia.

Deuteronomi 30:12

Ca e bi hnyi drany, mʼ u me he ka ha, ka habe, Ie at ame he ka ölö hnyi drany ai hobi köta, me me hom e köta, mʼ ate me löng me ânyâ?