Ioane 3:10 - Iaai Bible 1901 (New Caledonia)

¹⁰ Haba Iesu ame thu kâu, ka habe, Hawa, u at ûne hnyi Isaraela, ke u me ca wâ ûnykûme bi e?

Ioane 3:10 ပူးပေါင်းရင်းမြစ်များ

I. Man Ûlabainy Je Than. 29:19

ke ham kö Solomona a nokuk hnyok ae bekhot, he ka tuö hnâm je hna hûna, me hna ohnathoâ, me hnâm je hnanyibu, me he ka ânyâ ta je ûnyi hia eling, me otilâ uma, wale oge me penapena kâu.

Salamo 51:10

Khong lö, op dö hobi könya hnyok ae kalaöt; Ke mâdrâ hmeto thö hanu ae wisa eû hnyi hnyik.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Salamo 73:1

E HNATHU e so hwakecin Khong kö Isaraela, A tavat ae kalaöt hnyekudra.

Isaia 56:10

E wadröu but tavat tue unyin, ödra tavat hia thithö ae ca metâ bi; ödra je kuli hia thithö ae hum, e ca khanʼ ödra, kuku; a tavat bwi, me leleû, tavat bemokot.

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Jeremia 31:33

Ke walang ûhihinyköu oge me he ka ânyâ me lap anyi Isaraela, hwaban je bong eling, haingö Iehova; oge me he ka ip anyik hnanyibu eû hnyidra, me sihnalimen e hnyi je hnyekudra; ke oge me he ka Khongudrin, ke adre me he ka lakeik;

Ezekiela 11:19

Ke oge me he ka ham kodra hnyok a khaca, me ip eû hnyi je hnyekubun hanu ae teb ûnyi; ke oge me he ka hom but hnyok ae veto hnyi je unyidra, me ham bi kodra hnyok a utiö:

Mataio 11:25

Hnyi ûen e Iesu ame thu me ha, ka habe, Inya oge me ole köu Cica, Tuhan drany me hmeledrany, anyin a u je ikhâlâ ta je ûnyi eang ge tavat ae metâ me tavat ae khana wia, ke u je omanenâ bi ka ta je mendreng:

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 22:29

Haba Iesu ame thu me ha ködrin, ka habe, Öbun e ûnykûme hwalö but, ke ca khanʼ öbun hna sihnalimen, me man maniny Khong.

Luka 2:46

Ke hwaban kun ta bong ödru me wâ e hnyi uma kap, ame laba hnyi wanben tavat ûne, ame ling ödrin me hnei ödrin:

Luka 5:17

Ke haba hnyi ke bong eling e ame tiga ûne; ke ame ûlalabainy ta je Faresaio me tavat ûnö hnanyibu, adre o but ûhedra hnyi ta je taun hia hnyi Galilaia, me Juda, me Jerusalema: ke e bi unyin Than man he ka omelö.

Ioane 3:9

Nikodemo ame thu me ha kâu, ka habe, Ama kâmâu he ka helâe?

Ta je huliwa 5:34

Ke ame todrö ke at, at Faresaio, hnyi ûhnenamö, Gamaliela ien, at ame ûnö hnanyibu, ke e lung so ka tavat hia, ke e ame hûna he ka bödra ka kunâ hnyat eling hnyou ai hnyi ûen ae okhulit.

Roma 2:28

Anyin a ca at Juda bi, ame ne helâe thibi hnyi hoton; ke ca peritotom minya bi ae manen hnyi unyin:

Deuteronomi 10:16

Anyin a wale peritomonâ unen je hnyekubun, ke ca he hmetu bi öbun ka hwege nyin.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Filipi 3:3

anyin a öta ang waperitom, tavat adre me khudrung ûnyi ge Hanon Khong, me hobeluâ Keriso Iesu, me ca labageju bi ka hnyi unyin:

Kolose 2:11

wale at adre me peritomoni öbun unyin, hnen peritom adre me ca ânyâ ge hnyam, wale he ka uny degecâ onyen unyin, hnen peritom ûnyi ge Keriso;