Ioane 21:25 - Iaai Bible 1901 (New Caledonia)

²⁵ Ke se hia hmonyin minya bi ta je ûnyi a mâdrâ Iesu, ke adre ne tha sihnalimen hia, oge me ûnykûme e ca ûcû bi hmeledrany ka ta je tusi adre me he ka sihnalimen.

Ioane 21:25 ပူးပေါင်းရင်းမြစ်များ

Jobu 26:14

Wâ bi, wale je baten thibi deny je gethen: Ke otin e long hwan hwaulit ae ûhnyûkong! Ke ia ame wâ ûnykûme hwan thaniny maniny man.

Salamo 40:5

Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.

Salamo 71:15

Ame he hnyimök ka ha gaga hwakecâm ae wisa, Me ânyâm ûhömeli hnyi ta ogo bong; Anyin ae ca khanö nya ûseiny e.

At Khet 12:12

Ke walang khaca, nokuk lö, kap ju hna nâ: e ba obiny bi ka hn ödra hna sihnalimen ta je tusi ae se hia; ke ödra ka unö gânâ tusi, me ame sënyin dut unyin.

Amosa 7:10

Me haba Amazia at bihut hnyi Bethela ame ûkhûnöng kö Jeroboama than Isaraela me ha, ka habe, A hia but Amosa si hnâm hnyi wanben lap anyi Isaraela: e ca ûcû bi hnyei he ka hok hnyokâ hwan je hofuc.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 19:24

Ke inya oge me ha hmetu köbun, ka habe, E hâhâ ka kamela he ka didro hnyi hwanumen jebû, hon he ka didro ka hnyi dökhu dokhon Khong at ae tren omjeû.

Mareko 5:16

Ke haba tavat adre hia but wâ, me adre me ha kodra bongon hna mâdrâ ka at a delec demoni, me bongon je buaka.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

Ta je huliwa 20:35

Hnyi ta je ûnyi hia oge me tot hnân ûcûcûbongoâ köbun, a hamöbun he ka huliwa helâe he ka hadruâ tavat a ödra sënyin, me ûnykûme hofuc hwan Than Iesu, waleji e ame ha, ka habe, E beönua hnahic hnen at ame ham, hon at ame kap.

Heberu 11:32

Ke ieû hmetu oge me he ka ha? anyin ae ca ûcû bi ûen könya he ka haiö Gideona, me Baraka, me Samasona, me Jefetha, me Davita, me Samuela me ta je perofeta: