Ioane 21:17 - Iaai Bible 1901 (New Caledonia)

¹⁷ E ame ibi okun ba kâu, ka habe, Simona nöku Jona, u me hnyok könya? Peteru ame hmak hnyekon anyin a e okun dut ha kâu, kahabe, U me hnyok könya? Me e ame ha kâu, ka habe, Than lö u at ame wâ ta je ûnyi hia; u je wâ but a inya oge me hnyok köu. Iesu ame ha kâu, ka habe, Hān biju halek je mamoe.

Ioane 21:17 ပူးပေါင်းရင်းမြစ်များ

II. Samuela 7:20

Ke ieû hmetu ame he Davita ka ha köu? anyin a u je wâhmakhmeto athnyabaem, Than Iehova.

I. Je Than 17:18

Me haba momo ame ha kö Elia, ka habe, Aten Khong lö, ieû gak köu? u je o könya he ka oûnykûmi nya ge anyik hulö, me he ka hlingâ nokuk!

I. Man Ûlabainy Je Than. 17:18

Ke ieû hmetu bi ae khanö Davita he ka ha köu ge hnâm hna ogânâ athnyabaem? anyin a u je wâhmakhmetoâ athnyabaem.

I. Man Ûlabainy Je Than. 29:17

E khanö nya, Khonguk lö, a u at ame elâm hnyok, me senyin hnyi hwakecin ae wisa. Inya oge hia but ham ta je ûnyi hia ang ge wisainy hnyekuk: ke walang ang oge me wâ lakem ang me senyin, kʼ adre me ka hamödra hna köu.

Salamo 17:3

U je hia but cubec hnyekuk; me sene nya hnyi lit; U je hia but cubic nya, ke ba wânâm; Oge me ip hmâ eû hnyi hnyekuk a gʼ ame ca he hnyimök ka hanyâûâ.

Jeremia 17:10

Inya Iehova at ame elâm hnyok, oge me cubec ta je hna ûnykûme, he ka ve ham ka tavat hia helâ me dedra ta je gethen, me helâ me wan anyidra ta je huliwa.

Je tenge anyi Jeremi 3:33

Anyin a e ame ca ovecâ ûnyi ge hnyok, me otengiâ lakon tavat.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Mareko 14:72

Ke ame ie kokok khoto, a loiny. Me Peteru ame ûnykûme hofuc a ba Iesu kâu, ka habe, U me he ka okun ivinö nya ke tiga ca olo bi kokok khoto. Me e ame ûnykûme, me tenge.

Ioane 12:8

E bala unyibun ta je theduoc; ke oge me ca he bi nya ka laba bala unyibun.

Ioane 13:38

Iesu ame thu, ka habe, Hawa u me he ka ham ânyâm möt hobi könya? E hnathu, e hnathu, inya oge me ha köu, ka habe, Ame tiga ca he bi ka kokok khoto, me u me he bi ka ibi okun ivinö nya.

Ioane 14:15

Öbun e ne hnyok könya, öbun e he ka vheno anyik ta je hnanyibu.

Ioane 15:10

Öbun e ne vheno anyik ta je hnanyibu, öbun e he ka tet hmâ hnyi anyik ibetengiö; helâ me inya oge me vheno hnanyibu anyi Cica me oge me tet hmâ hnyi anyin ibetengiö.

Ioane 16:30

E khanʼ ohmun dut walang ang a u me wâ ta je ûnyi hia, ke ca ûnyi hnathu e ka he ke at ka hnei u: anyin a wale ohmun e ûnykûme a u me o unyi ge Khong.

Ioane 18:27

Haba Peteru ame ivinö hmetu: ke ame ie kokok dö khoto.

Ioane 18:4

Ke e khanö Iesu ta je ûnyi hia ame he ka o kâu, e ame he but, me ha kodra, ka habe, Ia öbun e elâm?

Ioane 21:18

E hnathu, e hnathu, inya oge me ha köu, ka habe, Hnyi ânyâm hidröu, u me ka hamâm bi oweikö u, me he ka hnyi dok u me wem; ke u ka hingat ut, u me he ka inâ li hnyamâm, kʼ ame he ke at ka oweikö u, me hum u ka hnyi dok u me ca wem.

Ioane 4:16

Haingö Iesu kâu, ka habe, He thö ka hawâ jem âiâm.

Ta je huliwa 1:24

Me adre me hic me ha, ka habe, Taböny Than lö, u at ame wâhmakheto ta je hnyok hia thithö, omanenâ thö kohmun at u me he ka ûca ge li at ang,

Ta je huliwa 11:10

Ke adre okun ânyâ e: me adre me aû hmetu hia thö hnyi dranyai.

Ta je huliwa 15:8

Ke haba Khong at ame wâhmakhmetoâ je hnyok ame ohnathoâ ködra, kʼ ame ham kodra Hanu Kap, helâ minya ji kötin;

II. Korinito 1:12

Anyin a walang anyihmun sēnyin, a gʼ ame ohnathoâ hnen ûnykûmenöhmun ae hnyi hwakecin ae wisa me hnathu ûnyi ge Khong, ke ca ûnyi bi hnyi metâiny unyin ke ûnyi hnyi ibetengiö baû anyin Khong, öhmun e ânyâ hwakecihmun eang hmeleʼ drany, ke ti gan hmâ bi köbun.

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Josua 22:22

Haba Iehova Khongon ta je khong, Iehova Khongon ta je khong, me e at ame wâhmakhmetoâ, ke ame he at Isaraela ka wâhmakhmetoâ bi; a gʼ adre ne ânyâ ûnyi hnyi khikhin, ke ame ne ûnyi hnyi hwakecin ae kong kö Iehova, (ca he ka omeli öhmun hnyi bong ang,)

I. Peteru 1:6

Wale öbun e senyin gan hmâ hnyin, ke so bi Öbun e ne hmak hnyi je ûcûbic ae ve bongon hnyi ong ûen walang ang, a ne ûcû,

II. Peteru 3:1

HNYAT a oûnykûmik lö, walang tusi a loiny inya oge me sihnalimen köbun; ke haba hnyi li tusi a lo hia, me oge me sihwegiâ je hnyekubun ae hnathu me oûnykûmi öbun;

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.