Ioane 21:15 - Iaai Bible 1901 (New Caledonia)

¹⁵ Ke ödrin e hia but han haba Iesu ame ha kö Simona Peteru, ka habe, Simona nöku Jona, u me hnyok könya hon hnyat ang? Haingen kâu, ka habe, E, Than; u me wâ a inya oge me hnyok köu, E ame ha kâu, ka habe, Hûn bi ju halek je arenio.

Ioane 21:15 ပူးပေါင်းရင်းမြစ်များ

Genese 33:13

Ke haingen kâu, ka habe, E khana tuhök a e sënyin dut je wanakat, ke je hnahat mamoe me kâu adre me ûasin: ke adre me ne alen hwegiâ hnyi bong a khaca, me ame ne he ka mok hia ta je hnahat meno.

II. Samuela 7:20

Ke ieû hmetu ame he Davita ka ha köu? anyin a u je wâhmakhmeto athnyabaem, Than Iehova.

II. Je Than 20:3

Iehova lö, oge me khöû köu, Ö u ûnykûme ju walang ang hnok hna he hnathu hnyi hnyimâkâm, me hnyok ae wisa, me ânyâ ûnyi ae so hnyi hnyimâkâm. Ke Hezekia ame tenge hwege.

Isaia 40:11

E ame he ka han haleny hnahat mamoe helâ me at tuö mamoe, e ame he ka hom tilâ lakon mamoe hnyi li benyin, me kop ödra hnyi ûlainy, me omi alen je hnyat adre me ûasin.

Jeremia 23:4

Ke oge me he ka otilâ hudrin tavat tuö mamoe, he ka ha ö ʼdra: ke adre me ca he hmetu ka ot, me hlohlo, me hia, haingö Iehova.

Jeremia 3:15

ke oge me he ka ham köbun tavat tuö mamoe hoton hnyekuk bi, tavat adre me he ka ha öʼbun ge metâ me wâhmakhmeto.

Ezekiela 34:23

Ke oge me he ka otilâ hudra ke at tuö mamoe e khaca, me e ame he ka ba ödra, a athnyabaik Davita; ke hamen he ka ha ödra; ke e at tuö mamoe kodra.

Ezekiela 46:24

Me e ame ha könya, ka habe, Walang je uma hnân öt, ame he tavat huliwan uma ka ölâ hut anyin tavat hnyin.

Mataio 10:37

Haba at ame betenge ka kamen me hinyen huk, me ca ûcû könya; ke haba at ame betenge ka nokon baga me nokon hlo huk, me ca ûcû könya.

Mataio 16:17

Ke haba Iesu ame thu me ha kâu, ka habe, Hnâm hnahic Simona Bar-Jona: anyin a ca omanenâ bi köu hnen at, ke hnen bi Kamök ethö hnyi drany.

Mataio 18:10

Wâ eâu öbun nye hûkötiâ ke at ae ûhnyûkong eang; anyin a inya oge me ha köbun, haba anyidrin ta je angela ethö hnyi drany adre me wâ bala hnyimakan Kamök ethö hnyi drany.

Mataio 26:33

Haba Peteru ame thu kâu me ha, ka habe, Ödrin e ne he ka thö hia thö gam, me oge me ca he bi nya ka munyi thö thö.

Mataio 26:35

Haba Peteru ame ha kâu, ka habe, Eja ke ne oge ne he ka tha mok möu, oge me ca he bi nya ka ivinö u. Helâe minya hwan laten hia.

Mareko 14:29

Ke haba Peteru ame ha kâu, ka habe, Ödrin e ne he hia thithö ka thö thö gam, o ge me ca he ka hnyi thö thö.

Luka 12:32

Hnahat mamoe ae wakhalet lö, ca ot bi, anyin ae weny Kamöbun he ka ham köbun dokhu.

Luka 22:32

ke oge me hic hobi köu, me me ca he bi lea hia ânyâm labageju: ke u ka hmetu thö, sihwegiâ je liamekeiny möu.

Ioane 1:42

Ke e ame hom e kö Iesu. Haba Iesu ame wâ e, ke haingen, ka habe, U Simona a nöku Iona: adre me he ka hwenyi u, me Kefa, (bongon, Peteru).

Ioane 13:37

Haingö Peteru kâu, ka habe, Than lö, anyin a ieû ae ca khanö nya he ka be hotom walang ang? oge me he bi ka ham anyik möt hnân hobi köu.

Ioane 16:27

anyin a Kamen ame betenge gabun, can öbun e hnyok könya, ke can öbun e kap a oge me o ûnyi ge Kamen.

Ioane 21:12

Iesu ame ha ködrin, ka habe, Ai öbun ka han. Ke ba ke at ge laten ae hwege hnyekon he ka hnö e, ka habe, U ia? anyin ae khanʼ ödrin a wale Than.

Ioane 21:7

Haba aten waleji ame hnyok kâu Iesu, ame ha kö Peteru, ka habe, Than e. Ke a long ut Simona Peteru a Than e, me e ame khavâ anyin ûkot (anyin a ga uny), me e ame utut hnyiköiö ai.

Ioane 8:42

Iesu ame ha ködrin, ka habe, A ne Khong Kamöbun, öbun e he ka hnyok könya; anyin oge me o but, me oge me o ûnyi ge Khong; ke oge ca ka hamök o, ke e a kunö nya.

Ta je huliwa 20:28

Anyin a wale, o ʼbun âu, ke hnahat mamoe hia, wale hnen Hanu Kap hnaʼ otilʼ öbun he ka tuö, he ka hat ekalesia anyin Khong, waleji e ame ûco ge dren.

Ta je huliwa 20:29

E khanö nya a hwaban dö ûhek, ame he ka didro köbun ta je luko ûhûlû, kʼ ödrin e ca he ka ihulo hnahat mamoe;

Roma 14:1

KAP dö at ae sënyin hnyi labageju, ca hnân he ka iwatretra hna loloâ.

Roma 15:1

HAMÖTA tavat ae hwege he ka hadruâ hnyat ae sënyin, ke ca he ka osenyini öta thibi.

I. Korinito 8:11

Anyin ame he ka ohia at ae sēnyin hnen ânyâm wâhmakhmeto, wale ke liamekeiny, waleji at ame mok Iesu Keriso hnân hobi kâu.

Galatia 5:6

Anyin ae ca ûnyi hnathu bi ka Keriso peritom, me ca peritom; ke so bi labageju, at ame huliwa hnyi ibetengiö.

Efeso 4:14

mʼ ate me ca ta je wanakat hmetu bi, adre me oûang dö me hom monoâ hnen je ang hia, wale je hna ûne, me bihihwakecin anyin tavat, me iyawo, hoton je hna ûnykûme he ka omono;

Efeso 6:24

E so e unyibun hia ibetengiö baû, wale a tavat a wedra hnathoâ ka Tuhöta Iesu Keriso.

Heberu 13:20

Ke haba Khongon ûsoköu, waleji at ame hom hmetu but Tuhöta Iesu ûheny hnyi hna mok, wale at ae nua ame tuö ta je mamoe, hnen dren ûhihinyköu a nyiele balua,

Heberu 4:13

Ke ca iyong bi ke unyi adre op hnyi hnyimakan: ke ame ve he thu me manen wia but ta je ûnyi hia thithö ka hnyi li emakan at, wale ate me he ka ve omanenâ kâu hwakecita.

I. Peteru 1:8

waleji öbun e ca wâ, ke öbun e hnyok kâu, eja ke ne öbun e ca wâ walang ang, öbun e labageju kâu, ke öbun e senyin gan hmâ hmonyin ae ca hnân ha, ke ti hmanenang:

I. Peteru 2:2

beweny dʼöbun debai a cökiny hanu ae ba thoi hnyin, helâ me ta je mendring a teb o, mʼ öbun e he ka hûhûö thö gan ka hnyi möt;

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.

I. Ioane 4:19

Ate me betenge, anyin a e ame bân ka betenge gata.

I. Ioane 5:1

ADRE hnokoâ ûnyi ge Khong hnyat adre me kap, ka habe, Iesu thibi Keriso: ke haba at ame hnyokâ at a hnokoâ, me ame he ka hnyokâ minya at e ame hnokoâ.

Hna Omanenâ 2:23

Ke oge me he ka hlingâ lakon ge mok; ke ame he ta je ekalesia ka khanʼ ödra, ka habe, inya ang at ame elâm ta je ûnykûme me ta je hnyok: ke oge me he ka ve ham köbun hoton anyibun ta je huliwa.